ဇန်နဝါရီ(၂၁)မှ(၂၇)အထိ တစ်ပတ်စာ ရာသီခွင်အစုံဟောစာတမ်း

ယခုတစ်ပတ်အတွက် ရာသီခွင်အစုံ ကံကြမ္မာအဆိုးအကောင်းဟောစာတမ်းလေးတွေ ထွက်ပေါ်လာပြီ ဖြစ်ပါတယ်။ အပတ်စဉ် တင်ဆက်ပေးသွားမှာဖြစ်လို့ မိမိတို့ရာသီခွင်အလိုက်၊ မည်သို့မည်ပုံ အပြောင်းအလဲဖြစ်သွားမလဲဆိုတာ သိနိုင်ဖို့အတွက် စောင့်ဖတ်ပေးကြပါဦးလို့ ပြောချင်ပါတယ်။ ယခုတစ်ပတ်မှာတော့ ရာသီခွင်တော်တော်များဟာ အဆိုးထက် အကောင်းဘက်ကို ရောက်နေတယ်လို့ ဆိုရမှာပါ။

(၁) Aries (မိဿရာသီဖွားများ)

ယခုတစ်ပတ်မှာ မိဿရာသီဖွားတွေ ငွေရ ကံကောင်းပါလိမ့်မယ်။ လောင်းကစားမှု အကျိုးမပေးပါ။ သွားကျန်းမာရေးနဲ့ အာခံတွင်း ကျန်းမာရေး ဂရုစိုက်ဖို့ လိုပါတယ်။ အချစ်ရေးကတော့ အသင့်အတင့်ဆိုပေမယ့်၊ ရပ်ဝေးကချစ်သူနဲ့ ပြန်ဆုံရနိုင်တဲ့ ရသတ္တပတ်ပါ။ အကျိုးပေးမယ့် အရောင်ကတော့၊ အနီ၊ ကြက်သွေးနီတို့ဖြစ်ပြီး၊ အခြားအရောင်တစ်မျိုးမျိုးနဲ့ တွဲဖက် ဝတ်ဆင်ပါ။ အကျိုးပေးဂဏန်းအနေနဲ့ ပေါင်းခြင်း ၉~၆ ရတဲ့ ဂဏန်းတွေ အကျိုးပေးမှာပါ။ ဥပမာ 36, 24 … စသည်။ တနင်္လာနေ့မှာ မိမိတက်နိုင်သလောက် အဖိုး/အဖွားတို့ကို လှူတန်းပါ။

(၂) Taurus (ပြိဿရာသီဖွားများ)

ပြိဿရာသီဖွားတွေအတွက်ကတော့ ဒီတစ်ပတ်ဟာ ထင်မှတ်မထားဘဲ ငွေရကိန်း ရှိပါတယ်။ သို့ပေမယ့် အပေါင်းအသင်းတစ်ဦးဦးက ငွေလာချေးရင် အကြောင်းပြချက်တစ်ခုခုနဲ့ ငြင်းပယ်ပါ။ ဆုံးရဖို့ ရှိလို့ပါ။ မိသားစုဝင်တွေ၊ ဆွေမျိုးသားချင်းတွေနဲ့ အဆင်ပြေမယ့် ရသတ္တပတ်ပါဘဲ။ ချစ်သူနဲ့ စိတ်ဆိုးစိတ်ကောက်နေသူတွေ အဆင်ပြန်ပြေမှာပါ။ အကျိုးပေး အရောင်ကတော့ ပန်းရောင်၊ ခဲပုပ်ရောင်ဖြစ်ပြီး၊ အကျိုးပေးဂဏန်းကတော့ 1,9 ဖြစ်ပါတယ်။ သောကြာနေ့ ညမှာ ဆီမီးလှုပါ။

(၃) Gemini (မေထုန်ရာသီဖွားများ)

ထင်မှတ်မထားပါဘဲ .. ပေါင်းဟောင်းသင်းဟောင်းတစ်ယောက်နဲ့ ခရီးသွားရင်း တွေ့ဆုံဖို့ ရှိပါတယ်။ သို့မဟုတ် ငယ်ချစ်နဲ့ ပြန်လည်ဆုံတွေ့ခွင့် ရဖို့ရှိပြီး၊ အိမ်ထောင်မရှိသေးသူတွေအတွက် တစ်ဘဝစာ အရေးပါတဲ့ တွေ့ဆုံမှု ဖြစ်သွားဖို့ရှိပါတယ်။ ဒီအပတ်မှာ လွယ်အိတ်၊ အိတ်၊ ခြင်းတောင်း အစရှိတဲ့အရာတွေ မဝယ်ပါသေးနဲ့ဦး။ မိသားစုဝင် တစ်ဦးဦးကရဲ့ ငွေအလုံးအရင်း ဝင်မှုကြောင့် သင်စိတ်ချမ်းသာရမှာပါ။ အကျိုးပေးအရောင်ကတော့ အဝါ၊ အစိမ်းဖြစ်ပြီး၊ ဂဏန်းအနေနဲ့တော့ 3,5 ဖြစ်ပါတယ်။ ကြာသပတေးနဲ့ ဗုဒ္ဓဟူး တစ်ရက်ရက်မှာ ဘုရားကို ပန်းကပ်လှူလိုက်ပါ။

(၄) Cancer (ကရကဋ်ရာသီဖွားများ)

ကရကဋ်ရာသီဖွားတွေအတွက်တော့ ယခုတစ်ပတ်ရာသီခွင်က အကောင်းဘက်ကို ဦးတည်နေပါတယ်။ စိတ်ချမ်းသာ ကိုယ်ချမ်းသာနဲ့ ဖြတ်သန်းရမယ့်အပတ်ပါ။ အရင်က ကိုယ့်အပေါ်စွပ်စွဲထားတာတွေရှိရင်လည်း အပြည့်အဝ ပြေလည်မှု ရမယ့်အချိန်ပါ။ ငွေဝင်ငွေလမ်း ကောင်းပြီး၊ ခရီးရှည်တစ်ခု ထွက်ရတတ်ပါတယ်။ ချစ်သူကြင်သူနဲ့ အဆင်ပြေပါမယ်။ အကျိုးပေး အရောင်ကတော့ အဖြူ၊ နို့နှစ်ရောင်၊ အနီရောင်၊ အဝါရောင် ဖြစ်ပါတယ်။ တနင်္ဂနွေ၊ တနင်္လာ တစ်ရက်ရက်မှာ မိဘတွေအတွက် အမှတ်တရလက်ဆောင် ဝယ်လှူပါ။

READ
Sagittarius (ဓနု)ရာသီဖွားတွေကို ချစ်မိရင် သိထားသင့်တဲ့ အချက်များ

(၅) Leo (သိဟ်ရာသီဖွားများ)

သူငယ်ချင်းအပေါင်းအသင်း တစ်ဦးဦးကြောင့် စီပွားရေးအရ အကျိုးဖြစ်ထွန်းနိုင်ပါတယ်။ ဒါပေမယ့် သူငယ်ချင်းတစ်ဦးဦးကို မိန်းမခိုးပေးတာတို့၊ ယောက်ျားနောက် လိုက်ခိုင်းတာတို့ မတိုက်တွန်းသင့်သေးတဲ့ ရသတ္တပတ်ပါ။ စာချုပ်စာတမ်းတွေ ရမ်းပြီး လက်မှတ်မထိုးပါနဲ့။ အချစ်ရေးကတော့ မိဘတွေဘက်က တင်းမာနေဆဲ ဖြစ်တတ်ပါတယ်။ အကျိုးပေးအရောင်ကတော့ လိမ္မော်၊ ရွှေရောင်၊ အနီရောင်ဖြစ်ပြီး၊ အကျိုးပေးဂဏန်းကတော့ 1,4,9 ဖြစ်ပါတယ်။ ကြာသပတေးနဲ့ ဗုဒ္ဓဟူး တစ်ရက်ရက်မှာ အချစ်ဆုံးသူငယ်ချင်းနဲ့ ဘုရားကိုသွား ကုသိုလ်ပြုပါ။

(၆) Virgo (ကန်ရာသီဖွားများ)

စိတ်လိုက်မာန်ပါ လုပ်ရပ်ကြောင့် နောင်တနဲ့ အဆုံးသတ်ရဖို့ ရှိပါတယ်။ စေတနာအမှားတွေက သင့်ကို စိတ်ဖိအားပေးမယ့် ရသတ္တပတ်ပါ။ မျက်လုံးကျန်းမာရေး ဂရုစိုက်ဖို့လိုပြီး စီးပွားရေးကတော့ ပြောခဲ့တာတွေနဲ့ ဆန့်ကျင်ဘက် အောင်မြင်မယ့် အချိန်ပါ။ ဆုံးပြီလို့ထင်ရတဲ့ ငွေနဲ့ ရင်းနီးမြှုပ်နှံမှုတွေ ပြန်ပေါ်ပြီး၊ အမြတ်အစွန်းရတတ်ပါတယ်။ အကျိုးပေးအရာင်ကတော့ 3,6,7 ဖြစ်ပါတယ်။ အကျိုးပေး အရောင်ကတော့ အဖြူနဲ့၊ အဝါရောင်ဖြစ်ပြီး၊ ဗုဒ္ဓဟူးနေ့မှာ အမေ့အတွက် ပုတီး ဝယ်လှူပါ။

(၇) Libra (တူရာသီဖွားများ)

သာမန် အအေးမိချောင်းဆိုးတာလေးကို မပေါ့ဆသင့်ပါ။ ဆေးခန်း ပြသင့်ပါတယ်။ မိဘတွေကို အချိန်ပြန်ပေးဖို့ စဉ်းစားပါ။ ချစ်သူခင်သူရဲ့ စိတ်ဆိုးစိတ်ကောက်ခြင်း ခံရနိုင်ပေမယ့် သိပ်ပြီးတော့ စိုးရိမ်ဖို့မရှိ။ ရေလမ်းသွားလာခြင်း ဂရုစိုက်ပါ။ ထီကံ အကျိုးပေးဖို့ ရှိပါတယ်။ အကျိုးပေးအရောင်ကတော့ လိမ္မော်၊ ခဲပုပ်အရောင် ဖြစ်ပြီး၊ အကျိုးပေးဂဏန်းက 1,2,7 ဖြစ်ပါတယ်။

(၈) Scorpio (ဗြိစ္ဆာရာသီဖွားများ)

ကိုယ့်ကို အထင်သေးအမြင်သေး ရှိခဲ့သူတွေရှေ့မှာ လက်မထောင်နိုင်မယ့် အခိုက်အတန့်တွေပါ။ ထင်မှတ်မထားတဲ့ သင့်ရဲ့ သက်ဆိုင်ရာနယ်ပယ်က အောင်မြင်မှုတွေ မှတ်ကျောက်တင်ခံရနိုင်ပြီး၊ အချစ်ရေးကတော့ သုံးပွင့်ဆိုင်ဖြစ်နေတတ်ပါတယ်။ ဒါပေမယ့် ကြားလူတစ်ယောက်ကြောင့် ဒီလိုဖြစ်နေတာပါ။ ခြေသလုံးကြွက်သား ဒဏ်ရာရနိုင်လို့ ဂရုစိုက်ဖို့ လိုပါတယ်။ ငွေဝင်ကိန်းလည်း ရှိပါတယ်။ အကျိုးပေးအရောင်ကတော့ အနီ၊ အနက် ဖြစ်ပါတယ်။ အကျိုးပေးဂဏန်းကတော့ 3,4,9 ပါ။ စနေနေ့မှာ အိမ်တွင်းအခန်းတွင်းက အမှိုက်ထုတ်တွေကို အသုံးမဝင်တာတွေကို ရှင်းလင်းစွန့်ပစ်ပါ။

READ
သြဂုတ်လ (၁၄) ရက်နေ့အတွက် ရာသီခွင်အလိုက် ကံကြမ္မာ

(၉) Sagittarius (ဓနုရာသီဖွားများ)

အချိန်ကုန်လူပန်း ဖြစ်နေတဲ့ ကိစ္စရပ်တွေ အကျိုးထူးပါလိမ့်မယ်။ ကျောင်းတော်က ဇာတ်လမ်းဟောင်း ပြန်ပေါ်ပြီး ချစ်သူခင်သူရဲ့ စိတ်ဆိုးစိတ်ကောက် ခံရတတ်ပါတယ်။ ဒါပေမယ့် နိုင်ငံခြားခရီးအဖြစ် အလည်အပတ် ထွက်ရကိန်းရှိပြီး၊ ငွေလည်း အကျိုးပေးမှာပါ။ အကျိုးပေးအရောင်ကတော့ အပြာ၊ နို့နှစ်ရောင် ဖြစ်ပြီး၊ အကျိုးပေးဂဏန်းကတော့ 5,6 ဖြစ်ပါတယ်။ ကြာသပတေးနဲ့ သောကြာနေ့မှာ ဘုရားကို ပန်းလှူပါ။

(၁၀) Capricorn (မကရရာသီဖွားများ)

စိတ်အနှောက်အယှက်တွေ၊ စိတ်ပျော်ရွှင်မှုတွေ ရောပြွမ်းနေမယ့် ရက်သတ္တပတ်ဖြစ်ပါတယ်။ စိတ်အနှောက်အယှက်ကတော့ ဓားခုတ်ရာ လက်ဝင်လျှိုမိလို့၊ ဒီလိုမဟုတ် ကျွဲနှစ်ကောင်ကြား ဝင်မိတဲ့ မြေစာပင်သဘောမျိုးကြောင့် ရနိုင်ပြီး၊ လုပ်ငန်းဘက်မှာတော့ ငွေဝင်ငွေလမ်း ဖြောင့်ဖြူးနေဦးမယ့် ရသတ္တပတ်ဖြစ်ပါတယ်။ အကျိုးပေးမယ့် အရောင်ကတော့ အနီ၊ အပြာဖြစ်ပြီး၊ အကျိုးပေးဂဏန်းကတော့ 6,8,9 ဖြစ်ပါတယ်။ အင်္ဂါနေ့မှာ အစ်ကို၊ အစ်မတွေအတွက် အမှတ်တရလက်ဆောင်၊ အဝတ်အစား စသည် ဝယ်လှူပါ။

(၁၁) Aquarius (ကုံရာသီဖွားများ)

ငွေပိုငွေလျံလေးတွေကို ကျစ်ကျစ်ပါအောင် ဆုပ်ကိုင်ထားရမယ့် ရက်သတ္တပတ်ဖြစ်ပါတယ်။ အခုအပတ်မှာ အလုံးအရင်းလိုက် ရင်းနီးမြှုပ်နှံခြင်းတွေ ခဏတာရှောင်ရှားရမယ့် အချိန်ပါ။ နယ်ဝေးမှရောက်လာတဲ့ ကိုယ်နဲ့တိုက်ရိုက်မသိတဲ့ ဧည့်သည်ကိုလည်း ရှောင်ရှားသင့်ပါတယ်။ အချစ်ရေးကတော့ လိုချင်တာနဲ့ ရတာနဲ့ ကွက်တိဖြစ်မယ့် ကာလပါ။ ခရီးရှည်ထွက်ရဖို့လည်း ရှိပြီး၊ ဦးခေါင်းကိုက်ခြင်းဝေဒနာ ဂရုပြုရပါမယ်။ အကျိုးပေးအရောင်ကတော့ အပြာ၊ သပြေသီးမှည့်ရောင် ဖြစ်ပြီး၊ အကျိုးပေး ဂဏန်းကတော့ 2,9 ဖြစ်ပါတယ်။ မွေးနေ့နဲ့ တိုက်ဆိုင်ပါက အလှူတစ်ခု အထမြောက်အောင် လုပ်လိုက်ပါ။

(၁၂) Pisces (မိန်ရာသီဖွားများ)

မိန်ရာသီဖွားတွေအတွက်တော့ မိဘနဲ့ အခိုက်အတန့်ကို ရင်ဆိုင်ရနိုင်ပါတယ်။ ဒါပေမယ့် မိဘဘက်က သဘောထားကွဲလွဲမှုတွေပါ။ ချစ်သူခင်သူနဲ့ကတော့ သူ့ကိုယ်အားမရ ကိုယ့်ကို သူက အားမရ ဖြစ်နေမယ့် ကာလပါ။ ငွေရပေါက်ရလမ်း ရှိပေမယ့်၊ သူငယ်ချင်းအရင်းတွေက ငွေချေးရင် ခဏလောက် လက်ရှောင်ထားပါဦး။ ရင်းနီးမြှုပ်နှံမှုတစ်ခုခု ရှိရင် ကိုယ်ကျွမ်းကျင်ပိုင်နိုင်မှ လုပ်ပါ။ အကျိုးပေးအရောင်ကတော့ အညို၊ အနီ၊ စိမ်းနု ဖြစ်ပါတယ်။ အကျိုးပေးဂဏန်းကတော့ 1,3,4 ဖြစ်ပါတယ်။ ကြာသပတေးနေ့မှာ လမ်းဘေးမှာ တောင်းရမ်းသူတွေကို တက်နိုင်သလောက် လှူတန်းလိုက်ပါ။

ညီလင်းထက် (Shwemom)

SHARE