နိုင်ငံတကာ နည်းပညာထုတ်ကုန်ပြပွဲ (CES) မှာ တွေ့မြင်ရသမျှ ပစ္စည်းဆန်းအချို့

ကမ္ဘာ့အကြီးဆုံး နည်းပညာထုတ်ကုန် ပြပွဲကြီး Consumer Electronics Show (CES) ကို အမေရိကန်နိုင်ငံ လက်စ်ဗီးဂတ်စ်မြို့မှာ ကျင်းပလျက်ရှိပါတယ်။ ပွဲရက်ကတော့ ဇန်နဝါရီ ၈ ရက်မှ ၁၁ ရက်အထိ ဖြစ်ပါတယ်။

လူသုံးကုန်ပစ္စည်းတွေကို နည်းပညာများနဲ့ ပေါင်းစပ်ပြီး လူနေမှုဘဝမြှင့်တင်နိုင်ဖို့ ကုမ္ပဏီတွေက ဖန်တီးထုတ်လုပ်ထားတဲ့ ပစ္စည်းများစွာကို ပြပွဲမှာ တွေ့ရမှာပါ။ ပွဲကျင်းပတဲ့ ၄ ရက်အတွင်းမှာ လာရောက်လေ့လာသူပေါင်း ၁၈၀,၀၀၀ ခန့် ခန့်မှန်းထားကြောင်း သိရပါတယ်။

AP

ဘယ်ကုမ္ပဏီက ဘယ်လိုထုတ်ကုန်တွေကို ပြသထားလဲဆိုတာ အကျဉ်းချုံး ဖော်ပြရမယ် ဆိုရင်တော့ဖြင့်-

အိပ်စက်မှုနဲ့ ပတ်သက်တဲ့ နည်းပညာထုတ်ကုန်တွေက အရင်နှစ်တွေက စပေါ်ပေါက်လာခဲ့ပါတယ်။ စမတ်ခေါင်းအုံး၊ အိပ်စက်မှု တိုင်းတာတဲ့ မွေ့ယာစသဖြင့်ပါ။ အိပ်စက်မှုအတွက် ယခုနှစ်ရဲ့ နည်းပညာထုတ်ကုန်စာရင်းမှာတော့ အိပ်စက်မှု တိုင်းတာတဲ့ နားကြပ်ဖြစ်ပါတယ်။ ပြင်သစ်ကုမ္ပဏီ Urgo Group က တီထွင်ထားတာပါ။ နားကြပ်ကို app တစ်ခုနဲ့ ချိတ်ဆက်ကာ ခေါင်းမှာတပ်ပြီး ပိုကျန်းမာတဲ့ အိပ်စက်မှုရအောင် ဦးနှောက်ကို လေ့ကျင့်ပေးမှာပါ။ Dreamlight ဆိုတဲ့ ကုမ္ပဏီကလည်း ပိုမိုအိပ်ပျော်စေတဲ့ မျက်နှာဖုံးတစ်မျိုးကို ပြသထားပါတယ်။

READ
ကိရိယာတွေကို လက်ဟန်နဲ့ အဝေးကထိန်းချုပ်နိုင်မယ့် Google ရဲ့ နည်းပညာသစ် 
Dailymail

Kohler ကုမ္ပဏီကတော့ စမတ်အိမ်သာကို ပြသထားပါတယ်။ အသံနဲ့ ထိန်းချုပ်မှုစနစ်တွေ၊ စပီကာတွေ၊ အလင်းစနစ်တွေပါရှိပြီး သန့်စင်မှုပိုင်းမှာလည်း ခြောက်သွေ့ပြီး ရေစားသက်သာစေတဲ့ နည်းတွေ ထည့်သွင်းထားပါတယ်။

Dailymail

Samsung ကတော့ ၇၅ လက်မ 4K TV ကြီးကို မိတ်ဆက်လိုက်ပါတယ်။ ယခင် microLED TV ကြီးလောက် မကြီးမားတော့ဘဲ လူနေဧည့်ခန်းနဲ့ ပိုကိုက်ညီမယ့် အရွယ်အစားနဲ့ ဖြစ်ပါတယ်။ ပါးလွှာလွန်းတဲ့ မျက်နှာပြင်ဟာ နံရံနဲ့ တစ်သားဖြစ်နေတဲ့ ဒီဇိုင်းမျိုးပါ။ Walnutt Technologies ကတော့ လျှပ်စစ်စကိတ်ပြားကို မိတ်ဆက်ထားပါတယ်။

Dailymail

ဂျပန်နည်းပညာ ကုမ္ပဏီတစ်ခုကတော့ အိမ်မွေးစက်ရုပ်တွေကို မိတ်ဆက်ထားပါတယ်။ အာရုံခံ ကိရိယာတွေ ပါရှိတဲ့ စက်ရုပ်လေးတွေဟာ လူတွေကို တိရိစ္ဆာန်တွေအတိုင်း တုံ့ပြန်နိုင်ပါတယ်။ ပြပွဲရဲ့ နောက် highlight တစ်ခုကတော့ ပေါင်မုန့်ထုတ်စက်ဖြစ်ပါတယ်။ The Wilkinson Baking Company က ထုတ်လုပ်ထားတာပါ။ ကျန်တဲ့ ပြပွဲရက်တွေမှာလည်း ဘယ်လိုထုတ်ကုန်တွေ တွေ့မြင်ရဦးမလဲဆိုတာ စိတ်ဝင်စားစရာပါပဲ။

READ
Harley-Davidson က ထုတ်လုပ်တော့မယ့် နောက်ဆုံးပေါ် လျှပ်စစ်မော်တော်ဆိုင်ကယ်
AP
Dailymail
AP
Dailymail
Dailymail

Ref: Dailymail

SHARE