ဆံပင်ရှည်တွေကို ဆံသဆရာက မပြောမဆိုညှပ်ချလိုက်လို့ မူးမေ့လဲကျခဲ့ရတဲ့မော်ဒယ်

Twitter / Mirror

တူရကီရုပ်သံရဲ့ နာမည်ကျော်အစီအစဉ်တစ်ခုဖြစ်တဲ့ အလှပြင်အစီအစဉ်တစ်ခုမှာ မော်ဒယ်တစ်ယောက်ဟာ သူမ အနှစ်နှစ်အလလက မွေးထားတဲ့ဆံပင်တွေကို ဆံသဆရာက မပြောမဆို တိတိရိရိ ဖြတ်ချလိုက်တဲ့အတွက်၊ အလွန်ဝမ်းနည်းသွားပြီး၊ မူးမေ့လဲကျသည်အထိ ဖြစ်ခဲ့ရကြောင်း သိရပါတယ်။

မော်ဒယ်ရဲ့အမည်ကတော့ İlayda ဖြစ်ပြီး၊ ဒီအစီအစဉ်မှာ ပါဝင်တင်ဆက်သူတိုင်း ရုပ်ပိုင်းဆိုင်ရာ ကြီးမားတဲ့အပြောင်းအလဲနဲ့အတူ၊ ထင်မှတ်မထားအောင် ထွက်ပေါ်လာမယ့် အလှတရားက အံ့သြဖွယ်ရာဖြစ်လိမ့်မယ်ဆိုတာကို ကြည့်ရှုသူတွေအနေနဲ့ကော ပါဝင်တဲ့မော်ဒယ်တွေလည်း ကြိုတွေးထားကြမှာပါ။

 

ဒါပေမယ့် မော်ဒယ် İlayda ကတော့ (၁၂)လက်မလောက်အထိ သူမရဲ့ဆံပင်တွေကို ဖြတ်ချခံလိုက်ရလိမ့်မယ်လို့ ကြိုတွေးထားပုံ မရပါဘူး။ နောက်ပြီး ဆံသဆရာနဲ့ သူမ ကြိုတင်တိုင်ပင် စည်းဝါးကိုက်ထားခြင်းမရှိဘဲ အခုအစီအစဉ်မှာ မရှင်းမရှင်း ပါဝင်လာခဲ့ပုံရပါတယ်။ ဆံသဆရာရဲ့အမည်ကတော့ Bilal Ağın ဖြစ်ပါတယ်။

ဒီထုတ်လွှင့်မှုအစီအစဉ်ကိုတော့ တူရကီလို Kuaförüm Sensin လို့ခေါ်ပြီး၊ သင့်လျှော်သလို ဘာသာပြန်မယ်ဆိုပါက ‘You’re My Hairdresser‘.လို့ အဓိပ္ပါယ်ရပါတယ်။ ဒီအစီအစဉ်ဟာ ပြိုင်ပွဲသဘောမျိုးဖြစ်ပြီး၊ မိတ်ကပ်အလှပြင်ပညာရှင်တွေ၊ ဆံပင်နဲ့၊ ဖက်ရှင်ပညာရှင်တွေ ဝင်ရောက်ယှဉ်ပြိုင်ကြတဲ့ အစီအစဉ်ဖြစ်ပါတယ်။

Bilal က ကတ်ကြေးနဲ့ ဆံပင်တွေ ဖြတ်ချလိုက်တော့ İlayda တစ်ယောက် ဘာစကားမှ မပြောနိုင်ဖြစ်သွားပါတယ်။ အဲဒီနောက်မှာတော့ မကျေမနပ်နဲ့ ညည်းတွားပြောဆိုခဲ့ပြီး၊ နောက်ဆုံးတော့ ဒီအစီအစဉ်ကို ဆက်လက်ပါဝင်လိုခြင်းမရှိတော့ဘဲ ပြိုင်ပွဲကနေ ထွက်ခွာသွားပါတယ်။ ထွက်ပေါက်နားလေး မရောက်ခင်မှာပဲ İlayda တစ်ယောက် မူးမေ့လဲကျပါတော့တယ်။

ကျန်တဲ့ပြိုင်ပွဲဝင်တွေနဲ့၊ ဒိုင်လူကြီးတွေလည်း အူကြောင်ကြောင်နဲ့ ကျန်ရစ်ခဲ့ပါတယ်။ အဲဒီ Show ကနေ ဖြတ်တောက်ရရှိတဲ့ ဆံပင်တွေကို ‘Let My Hair Be Your Hair’ အစီအစဉ်နဲ့ ကင်ဆာဝေဒနာရှင်တွေရဲ့ ရံပုံငွေအဖြစ် လှူဒါန်းတယ်လို့ သိရပါတယ်။ အခုဗွီဒီယိုဖိုင်ကို ကြည့်ရှုသူ (၂)သန်း ကျော်ခဲ့ပါတယ်။ နောက်ထပ် ဘာတွေဆက်ဖြစ်လဲ မသိရပါဘူး။

လင်းသုတ

SHARE