အမျိုးသမီးများ လုပ်ငန်းခွင်တွင်းမျက်မှန်တပ်ခြင်းကို တင်းကြပ်လိုက်တဲ့ဂျပန်နိုင်ငံ

Shutterstock-leungchopan

Refiery 29 မှ သတင်းတစ်ပုဒ်အရ ပြီးခဲ့တဲ့အပတ်အတွင်း ဂျပန်နိုင်ငံမှအမျိုးသမီးများဟာ လုပ်ငန်းခွင်အတွင်း ဖိနှိပ်ခံရမှုများကို ဆန္ဒပြတဲ့အနေနဲ့ လမ်းမတွေပေါ်မှာ စီတန်းလှည့်လည်ခဲ့ပါတယ်တဲ့။ ဖိနှိပ်ခံရတာဟာ လုပ်ငန်းခွင်အတွင်း စိတ်ပိုင်းဆိုင်ရာနဲ့ ရုပ်ပိုင်းဆိုင်ရာ အနိုင်ကျင့်စော်ကားခံရတာမျိုးမဟုတ်ဘဲ အမျိုးသမီးတွေရဲ့ အပြင်အဆင်၊ ဝတ်ပုံစားပုံတွေကို လိုက်လံထိန်းချုပ်တာကြောင့်ပဲဖြစ်ပါတယ်။

Pixabay-monicore

အရင်ကတည်းက ဂျပန်နိုင်ငံမှ အမျိုးသမီးဝန်ထမ်းတွေကို ဝတ်စားဆင်ယင်ပုံကစလို့ အပြင်အဆင်အဆုံး စည်းကမ်းချက်တွေထုတ်ထားခဲ့ပြီး အမျိုးသားဝန်ထမ်းတွေအတွက်တော့ ဘာစည်းကမ်းမှ ထုတ်ထားခြင်းမရှိခဲ့ပါဘူး။ စည်းကမ်းချက်တွေကို ဥပမာပြပါဆိုရင် ၂ လက်မကွက်တိရှိတဲ့ဒေါက်ဖိနပ်ပဲဝတ်ရမယ်တို့၊ အင်္ကျီဆိုရင် အရောင်တောက်တာမျိုး မဝတ်ရဘူး၊ မိတ်ကပ်ပြင်တဲ့အခါ အရောင်အရင့်၊ အရောင်တောက်၊ အလက်လက်ပါတာမျိုးတွေ လုံးဝခွင့်မပြုထားဘဲရှိနေပါတယ်။ ဒီအပြင် ဆံပင်ဆိုလည်း သဘာဝဆန်တဲ့အရောင်မျိုးတွေသာဆိုးခွင့်ရှိပါတယ်တဲ့။ ဒီအပြင် မျက်တောင်ဆက်ခွင့်ကိုလည်း ပိတ်ပင်ထားပြီး အခုနောက်ဆုံး လုပ်ငန်းခွင်ထဲမှာ အမျိုးသမီးများကို မျက်မှန်တပ်ခြင်းပါ မလုပ်ရဘူးဆိုတာ ပြောလာပါတော့တယ်တဲ့။

READ
အသက်(၂၀)အရွယ် မိန်းမပျိုလေးလို့ အထင်ခံနေရတဲ့ အမျိုးသမီးရဲ့လျို့ဝှက်ချက်

Business Insider မှာတော့ ဒီမျက်မှန်မတပ်ရတဲ့ကိစ္စနဲ့ပတ်သက်ပြီး အမျိုးသမီးဝန်ထမ်းတွေနဲ့ တွေ့ဆုံမေးမြန်းထားမှုတွေ ပါဝင်နေတာမလို့ ကိုးကားဖော်ပြလိုက်ပါတယ်။ ဧည့်ကြိုအဖြစ်လုပ်ကိုင်နေတဲ့ အမျိုးသမီးတစ်ယောက်ကတော့ သူမကို အထက်မှ မျက်မှန်လုံးဝမတပ်လာပါနဲ့ဆိုပြီး ပြောလာခဲ့ပါတယ်တဲ့။ ဘာကြောင့်လဲလို့ မေးခွန်းပြန်ထုတ်လိုက်တဲ့အခါမှာတော့ သူမရဲ့တာဝန်ဟာ လူတွေကို ဝန်ဆောင်မှုပေးရတာမလို့ မျက်မှန်နဲ့ကျ မျက်လုံးတွေမှာ နူးညံ့သိမ်မွေ့မှုတွေ အသက်မဝင်နိုင်တဲ့အတွက်ကြောင့်ပါတဲ့လေ။ နောက် ပိုပြီးလည်းမိန်းမဆန်စေချင်လို့ပါတဲ့။

ဒါကြေင့် သူမအနေနဲ့ အလုပ်လုပ်တဲ့ အချိန် ၈ နာရီရယ်၊ အလုပ်လာဖို့ပြင်ဆင်ချိန်၊ အလုပ်ပြန်ချိန် စုစုပေါင်း ၁၂ နာရီလောက်ကို မျက်ကပ်မှန်ကြီးတပ်ပြီး အလုပ်လုပ်နေရပါတော့တယ်။ မျက်ကပ်မှန်တပ်ဖူးတဲ့လူတွေဆိုရင် သိကြမှာပါ။ မျက်ကပ်မှန်ဟာ အပူချိန်မြင့်လွန်း၊ ကျလွန်းတဲ့ပတ်ဝန်းကျင်တွေမှာဆိုရင် နေရထိုင်ရသိပ်ခက်ပြီး မျက်သားအရမ်းခြောက်တတ်တယ်ဆိုတာ။ နောက်ပြီး မျက်ကပ်မှန်ဟာ တစ်နေ့ကိုအလွန်ဆုံး ၆ နာရီသာ တပ်ရတဲ့အရာတစ်ခုပါ။ မျက်ကပ်မှန်တပ်ချိန်များပြီး အချိန်ကြာလာတဲ့လူဆိုရင် မျက်သားခြောက်တဲ့ဝေဒနာကို အနည်းနဲ့အများခံစားရမှာပါပဲ။

Shutterstock-fizkes

နောက်တစ်ဦးကတော့ အလှအပရေးရာဆေးခန်းမှာ အလုပ်လုပ်နေတဲ့ သူနာပြုဆရာမပါ။ သူမအလုပ်လုပ်နေတဲ့ဆေးခန်းမှာလည်း ဆေးဝန်ထမ်းတွေအကုန်လုံး မျက်မှန်မတပ်ရဘူး၊ ကိုယ်အလေးချိန်ကိုလည်း သတ်မှတ်ထားတာထက်မကျော်စေရ၊ ဆံပင်စည်းလောက်တဲ့အထိရှည်ရင် ဆံထုံးထုံးရပြီး မိတ်ကပ်မလိမ်းမနေရ၊ လိမ်းရင်လည်း သဘာဝဆန်ဆန်ပဲ လိမ်းရမှာဖြစ်ပြီး ထူပိန်းနေလို့မရပါဘူးတဲ့လေ။ နောက် ဆေးခန်းမှာပဲ အမြဲလိုလို အလှအပအတွက် မျက်နှာဖြူဆေးထိုးတာတို့၊ လက်သည်းအလှပြင်တာစတာတွေကို ဆန္ဒမပါလည်းလုပ်ဆောင်ရပါတယ်တဲ့လေ။

READ
အဖော်အချွတ်၊ဆက်စီပုံတွေတင်လွန်းတဲ့ညီမကို သတ်ပစ်လိုက်တဲ့အစ်ကိုအရင်း
Pixabay-annca

၂၀၁၉ ဇွန်လတုန်းကလည်း ဂျပန်အမျိုးသမီးပေါင်း ၂ သောင်းလောက်ပူးပေါင်းလက်မှတ်ထိုးပြီး အမျိုးသမီးများလုပ်ငန်းခွင်ထဲ ဒေါက်ဖိနပ်မစီးမနေရဆိုတဲ့ စည်းကမ်းကြီးကို ဆန့်ကျင်ဆန္ဒပြတဲ့အနေနဲ့ ဆန္ဒပြခဲ့ကြဖူးပါသေးတယ်။ ဂျပန်နိုင်ငံလိုမျိုး ဖွံ့ဖြိုးပြီးသား၊ တိုးတက်ပြောင်းလဲမှုတွေအတွက် လုပ်ဆောင်နေတဲ့ နိုင်ငံကြီးတစ်ခုဖြစ်တာတောင် အခုလိုအမျိုးသမီးတွေအပေါ် လုပ်ငန်းခွင်ထဲမှာ ခွဲခြားဆက်ဆံမှုတွေရှိနေတယ်ဆိုတာ တော်တော်လေးကို အံ့သြဖို့ကောင်းနေပါတော့တယ်။ လက်ရှိမှာတော့ ဂျပန်အမျိုးသမီးတွေဟာ ဆိုရှယ်မီဒီယာပေါ်မှာ #KuToo movement ဆိုပြီး အမျိုးသမီးတွေအပေါ် ခွဲခြားဆက်ခံမှုတွေကို ဆန့်ကျင်ဆန္ဒပြနေတယ်လို့လည်း သိရပါတယ်။

Twitter-#KuToo

Penny

SHARE