ဆယ်ကျော်သက်တို့အတွက် တက္ကသိုလ်တက်ရင်းလုပ်နိုင်မယ့် အလုပ်များအကြောင်း

uis_molinero/Freepik

၂၀၁၈-၂၀၁၉ စာသင်နှစ်မှာ ဆယ်တန်းအောင်ထားကြတဲ့ လူငယ်လေးတွေဟာ မကြာခင် တက္ကသိုလ်တွေအသီးသီးတက်ကြရပါတော့မယ်။ နေ့တိုင်းတက်ရတဲ့အစိုးရတက္ကသိုလ်တွေ တက်မယ့်လူရှိသလို၊ အဝေးသင်တို့၊ အပြင်ကျောင်းတို့ တက်မယ့်ကလေးတွေလည်း ရှိကြမှာပဲ။ အခုဆိုရင် ခေတ်ကြီးကပြောင်းလဲတိုးတက်နေပြီဆိုတော့ လူငယ်တွေအနေနဲ့ ပိုက်ဆံကြောင့်မဟုတ်လည်းဘဲ ကျောင်းတက်ရင်း အတွေ့အကြုံရအောင်ဆိုပြီး အလုပ်လုပ်နေကြသူတွေ အများကြီးရှိလို့နေပါပြီ။ ကျောင်းတက်ရင်းနဲ့ ဘယ်လိုအလုပ်တွေ လုပ်နိုင်မလဲဆိုတာ တစ်ချက်လောက် ကြည့်လိုက်ကြရအောင်ပါ။

(၁) ပထမဆုံးကတော့ ဓာတ်ပုံရိုက်တဲ့အလုပ်လေးပါ။ အခုခေတ်မှာ ဓာတ်ပုံပညာဆိုတာ free source တွေအများကြီးရှိနေပြီမို့လို့ online course တို့၊ tutorial တွေအပြင် e-book တွေကိုလည်း download ဆွဲ လေ့လာနိုင်နေပါပြီ။ နောက်ပြီး ဓာတ်ပုံရိုက်တာဟာ ကျောင်းလုပ်ငန်းတွေကိုလည်း မထိခိုက်စေတဲ့အပြင် အပိုဝင်ငွေရှာချင်လည်းရ၊ အသက်မွေးဝမ်းကျောင်းလုပ်ငန်းတစ်ခုကိုလည်း အစပျိုးပြီးသား ဖြစ်သွားတာပေါ့။ ကင်မရာမဝယ်နိုင်သေးဘူး ဆိုရင်တောင်မှပဲ ဖုန်းတွေနဲ့လည်း mobile photography လုပ်လို့ရနိုင်ပါတယ်။

Dragana_Gordic/Freepik

(၂) နောက်တစ်ခုကတော့ influencer သို့မဟုတ် blogger လုပ်တာပါ။ အလှအပအကြောင်းတို့၊ ဖက်ရှင်အကြောင်းတို့၊ စာအုပ် ရုပ်ရှင် review ပေးတာမျိုးတွေ၊ စားသောက်ဆိုင်တွေ သွားလည်သင့်တဲ့နေရာတွေကို လမ်းကြုံတဲ့အခါ စာလေးရေး ဓာတ်ပုံလေးရိုက် ဗီဒီယိုလေးရိုက်နဲ့ post တွေ တင်နိုင်သလိုပဲ ကိုယ်စိတ်ဝင်စားတဲ့အကြောင်းအရာတစ်ခုခု ဥပမာ ဟင်းချက်ပြတာတို့၊ ဓာတ်ပုံဆိုလည်း ဓာတ်ပုံရိုက်တဲ့ behind the scene ဗီဒီယိုလေးတွေ retouch လုပ်တာလေးတွေကို မျှဝေပေးနိုင်ပါတယ်။ Page လေးဖွင့်ပြီး influencer/blogger လုပ်မယ်ဆိုရင် နောက်ပိုင်း အောင်မြင်လာတဲ့အခါကျ sponsor ပေးမယ့် ကုမ္ပဏီတွေဘာတွေရှိလာနိုင်တာကြောင့် ကြော်ငြာလုပ်ငန်းနဲ့ ဝင်ငွေရစေမှာပါ။

READ
သင်တို့ မသိသေးတဲ့ Spa Bath ရဲ့ အသုံးဝင်ပုံများ
jcomp/Freepik

(၃) အွန်လိုင်းရှော့ပင်လုပ်တာကတော့ ဒီခေတ်မှာ ကျောင်းတက်ရင်းအလုပ်လုပ်မယ့်သူတွေအတွက် အသင့်လျော်ဆုံးပါပဲ။ အလုပ်လုပ်ချိန်ကို ကိုယ်ကိုယ်တိုင် ချိန်ဆလို့ရတဲ့အပြင် ကိုယ်တိုင်လည်း လူငယ်တစ်ယောက်ဖြစ်နေတဲ့အတွက် လူငယ်တွေရဲ့ trend ထဲမှာ လိုက်စီးမြောနေမှာမို့လို့ ဈေးကွက်မှာ ဘာရောင်းရမလဲဆိုတာလည်း သိနေမှာပါ။ ဒီအပြင် လူတွေနဲ့ ဘယ်လိုဆက်ဆံရမယ်၊ page တစ်ခုကို ဘယ်လိုကိုင်တွယ်ရမယ်၊ sales & marketing သဘောတရား သေးသေးလေးကိုလည်း တီးမိခေါက်မိရှိစေမှာဖြစ်ပါတယ်။

jcomp/Freepik

(၄) ကိုယ်တကယ်စိတ်ဝင်စားတဲ့ လုပ်ငန်းကြီးတွေမှာလည်း ကျောင်းပိတ်တုန်း အလုပ်သင်အနေနဲ့ ဝင်လုပ်တာတို့၊ ကျောင်းပိတ်ရက်တွေပဲ အလုပ်ဆင်းပြီး လုပ်အားပေးတာတို့ဆိုရင်လည်း အဲဒီအတွေ့အကြုံတွေဟာ တကယ်လုပ်ငန်းခွင်ဝင်တဲ့အခါမျိုးမှာ ကိုယ့် resume ထဲ လုပ်ငန်းရှင်စိတ်ဝင်စားစေမယ့် အချက်တွေ ဖြစ်လို့လာမှာပါ။ ဒါပေမဲ့ ကိုယ် intern ဆင်းမယ့် ကုမ္ပဏီဟာ အလုပ်သင်တွေကို ဘယ်လိုကိုင်တွယ်ရမလဲဆိုတာတော့ ကောင်းကောင်းသိဖို့ လိုအပ်ပါလိမ့်မယ်။ ဆိုလိုတာ အလုပ်သင်ဆိုပြီး မိတ္တူချည်းကူးခိုင်း၊ စာရွက်စာတမ်းသွားပို့ခိုင်း၊ စာရိုက်ခိုင်း၊ ကော်ဖီဖျော်ခိုင်းတာတော့ မဟုတ်သေးဘူးပေါ့နော်။ Intern ဆင်းဖို့ အကောင်းဆုံးကတော့ illustration ကုမ္ပဏီ၊ graphic design ပိုင်း၊ IT ပိုင်း၊ marketing ပိုင်း၊ digital media လောက၊ ဖက်ရှင်လောကနဲ့ NGO အဖွဲ့အစည်းတွေပါပဲ။

READ
ကိုယ်ချစ်ရတဲ့သူငယ်ချင်းက ကိုယ့်မကောင်းကြောင်းတွေကို ပြောနေခဲ့သူဖြစ်မယ်ဆိုရင်...
goodluz/Freepik

(၅) စာသင်တယ်ဆိုတဲ့ ဂိုက်ဆရာ၊ ဆရာမတွေကတော့ အရင်တုန်းကလည်း တက္ကသိုလ်ကျောင်းသားတွေဟာ ကျောင်းတက်ရင်း ဂိုက်လုပ်နေကြတာမလို့ မစိမ်းတော့ဘူး ထင်ပါတယ်။ အထက်တန်းအရွယ်တွေကို ဂိုက်လုပ်ပေးရတာရှိတဲ့အပြင် တချို့ English school လေးတွေကလည် weekends အတွက် သီးသန့် part time assistant teacher တွေ ခေါ်နေတာ ရှိနေတာမို့လို့ ဒီအခွင့်အလမ်းလေးလည်း မဆိုးပါဘူး။

freepik/Freepik

(၆) စာပေဆိုင်ရာ freelance အလုပ်တွေကတော့ ၂၀၁၃၊ ၂၀၁၄ နောက်ပိုင်း ၁၀ တန်းအောင်တဲ့ လူငယ်လေးတွေနဲ့ အကျွမ်းတဝင်ရှိကြတဲ့အလုပ်တွေပါ။ ဘာသာပြန်တာ၊ ဆောင်းပါးရေးတာစတဲ့ translator, interpreter, content writer, copy writer စတဲ့အလုပ်တွေဟာ digital media လောကကို စတင်ဝင်ရောက်ဖို့အတွက် လမ်းစတစ်ခုဖြစ်နိုင်သလို အကယ်၍ ကိုယ့်အနေနဲ့ အဝေးသင်တက်နေတဲ့သူဆိုရင် freelance အပြင် ၈ နာရီကြာတဲ့ ရုံးလုပ်ငန်းတွေကိုလည်း လုပ်နိုင်ပြီး စာမေးပွဲကာလကျမှ ခွင့်ယူတာမျိုးတွေလည်း အခုလုပ်ငန်းရှင်တွေက နားလည်မှုရှိရှိနဲ့ ခွင့်ပြုပေးနေကြပါပြီ။ စာရေးတာ ဝါသနာပါမယ်၊ မြန်မာလက်ကွက်ရမယ်၊ စိတ်ကူးကောင်းပြီး ဗဟုသုတများမယ်၊ အင်္ဂလိပ်စာကို အဆင့်တစ်ခုအထိ ကျွမ်းကျင်မယ်ဆိုရင်တော့ ဒီ freelance အလုပ်လေးတွေဟာ သင့်အတွက် ဝင်ငွေတော်တေ်ာရစေမှာဖြစ်ပြီး ကျောင်းမပြီးခင်မှာပဲ လုပ်ငန်းခွင်ထဲ စောစီးစွာ ဝင်ရောက်နိုင်စေမှာဖြစ်ပါတယ်။

branin/Freepik

Penny

SHARE