အသက် (၁၀၀)မှာတောင် အလုပ်ကို နေ့တိုင်းသွားနေသေးတဲ့ ကမ္ဘာ့အသက်အကြီးဆုံးဘီလျံနာ

ကျိကျိတက်ချမ်းသာတဲ့ သူဌေးကြီးတစ်ယောက်ဖြစ်ပေမယ့် အိုမင်းသွားတဲ့အခါ အလုပ်မလုပ်ချင်တော့ဘူးဆိုရင် နားလည်ခွင့်လွှတ်ပေးလို့ ရပါတယ်။ အသက်ကြီးလာရင် လူအများစုက အိမ်မှာပဲ အပူအပင်ကင်းကင်းနဲ့ စိတ်အေးသက်သာစွာ နေထိုင်လိုကြပါတယ်။ ဒါပေမယ့် ပစိဖိတ်အပြည်ပြည်ဆိုင်ရာ သင်္ဘောလိုင်း (PIL) တည်ထောင်သူ အသက် (၁၀၀) အရွယ် ဥက္ကဌကတော့ အခြားအဖိုးကြီးအဖွားကြီးတွေလို အိမ်မှာ သက်တောင့်သက်သာနေချင်ရှာတာ မဟုတ်ပါဘူး။

Youtube

ဥက္ကဌကြီး ချန်ယွန်ချောင်းဟာ သူ့ရဲ့ အမှုဆောင်အရာရှိချုပ်နေရာကို သားဖြစ်သူ တျောင်ရှောင်စမ်းဆီ ရာထူးလွှဲပြီးပေမယ့် သူဟာ နေ့တိုင်း ကုမ္ပဏီကို သွားမြဲသွားဆဲ ဖြစ်ပါတယ်။ သူဟာ နေ့စဉ် စင်ကာပူရုံးချုပ်တွေကို သွားပြီး ဌာနတိုင်းရဲ့ လုပ်ငန်းလည်ပတ်မှုတွေကို စစ်ဆေးလေ့ရှိပါတယ်။ ချန်ယွန်ချောင်းက “ကျွန်တော် အိမ်မှာ မနေနိုင်ဘူး။ အိမ်မှာနေရတာ အရမ်းပျင်းတာပဲ။ နေ့တိုင်း ကျွန်တော်တစ်နေ့တာ လုပ်ရမယ့် လုပ်ငန်းဆောင်တာတွေကို ဒိုင်ယာရီထဲ ချရေးထားတယ်။ အကုန်လုံးလိုလို ချရေးပါတယ်” လို့ ဆိုပါတယ်။

READ
ပရဟိတ အလုပ်နိုင်ဆုံး ဘောလုံးသမားအဖြစ် ပြိုင်ဘက်မရှိ ရပ်တည်နေတဲ့ ရော်နယ်ဒို

ချန်ယွန်ချောင်းဟာ လွန်ခဲ့တဲ့ (၁၉၆၇) ခုနှစ်ကတည်းက PIL ကို သင်္ဘောဟောင်းနှစ်စီးနဲ့ စတင်ခဲ့တာပါ။ ကုမ္ပဏီနဲ့ နေ့တိုင်း ထိတွေ့ဆက်ဆံနေရတာက ချန်ယွန်ချောင်းကို အမြဲတမ်းတက်ကြွစေတဲ့ အကြောင်းအရင်းလည်း ဖြစ်ပါတယ်။ လက်ရှိမှာ ကုမ္ပဏီဟာ ကမ္ဘာ့ထိပ်တန်းသင်္ဘောကုမ္ပဏီ (၂၀) ထဲမှာရှိပြီး အလုပ်သမားပေါင်း(၁၈,၀၀၀) ရှိပါတယ်။

cnbc

ချန်ဟာ သားဖြစ်သူ တျောင်ကိုလည်း သူ့လုပ်ငန်းအတွေ့အကြုံတွေကို လက်ဆင့်ကမ်းသင်ပေးနေဆဲ ဖြစ်ပါတယ်။ တျောင်က “အဖေနဲ့ ကျွန်တော် နေ့တိုင်း(၂) ကြိမ် စကားပြောဆွေးနွေးဖြစ်ပါတယ်။ အထူးသဖြင့် အရမ်းဖိအားများနေတဲ့ အချိန်တွေမှာ ဒေါသကို ဘယ်လိုထိန်းမလဲဆိုတာပါ။ အဖေကတော့ ကျွန်တော့်ကို အများကြီးသင်ပေးတယ်။ လူတွေကို ကိုယ့်စကားနားထောင်စေချင်ရင် သူတို့ ကြောက်အောင်လို့ အာဏာနဲ့ ဖိအားပေးခိုင်းတာမျိုး မလုပ်ခိုင်းပါဘူး။ သူတို့ ခေါင်းဆောင်ရဲ့ စွမ်းဆောင်ရည်၊ သိက္ခာသမာဓိကို ယုံကြည်ပြီး သူတို့ဘာသာသူတို့ ခေါင်းဆောင်ရဲ့ စကားလိုက်နာအောင်ပဲ ကြိုးစားခိုင်းပါတယ်။ လွယ်တော့ မလွယ်ပါဘူး” လို့ ပြောပြပါတယ်။

READ
အောက်ပိုင်းသေနေတဲ့မိခင်ကို ကျောင်းတစ်ဖက်နဲ့ ပြုစုပေးနေရှာတဲ့ (၁၀)နှစ်သားလေး
finews.asia

တျောင်ဟာ အုပ်ချုပ်ရေးပိုင်းအကြီးအကဲအနေနဲ့ တွေ့ကြုံလာတဲ့ အမျက်ဒေါသတွေကို တည်ငြိမ်စွာ ထိန်းသိမ်းနိုင်ဖို့ ဖခင်ဆီမှ နည်းယူတယ်လို့ ဆိုပါတယ်။ အထူးသဖြင့် သင်္ဘောလုပ်ငန်းမှာ နိုင်ငံရေးကိစ္စ၊ နည်းပညာပိုင်းဆိုင်ရာ ပြဿနာတွေအပြင် မတော်တဆမှုတွေဟာ အချိန်အခါမရွေးဖြစ်နိုင်တာကြောင့် ကြိုတင်ခန့်မှန်းလို့ မဖြစ်နိုင်ပါဘူး။ သူဌေးကြီးချောင်ကတော့ “ကျွန်တော်က ဘယ်တော့မှ ဒေါသမထွက်ဘူး။ ထွက်လို့လည်း မရပါဘူး။ ဘာကြောင့်လဲဆိုတော့ ဒေါသကို လွှတ်လိုက်ရင် အခြေအနေကို ထိန်းချုပ်ဖို့မပြောနဲ့ ကိုယ့်ကိုကိုယ်တောင် မထိန်းချုပ်နိုင်တော့ဘူး” လို့ ပြောပြခဲ့ပါတယ်။

လင်းလင်း (ShweMom)

Ref: cnbc

SHARE