လူကြိုက်များတဲ့ Xiaomi ရဲ့ Mi Band မော်ဒယ်အသစ် ထွက်လာတော့မည်

www.mi.com

လတ်တလော အာရှတလွှားမှာ လူသုံးများလာနေတဲ့ fitness tracker စမတ်လက်ပတ်တစ်မျိုးဖြစ်တဲ့ Mi Band ကတော့ အဆင့်မြှင့်တင်မှုတွေ ပြုလုပ်ထားတဲ့ မော်ဒယ်အသစ် ထွက်လာတော့မှာ ဖြစ်ပါတယ်။ ဒီသတင်းကိုတော့ နည်းပညာ အွန်လိုင်းမဂ္ဂဇင်း Tech Crunch မှာ ရေးသားဖော်ပြထားတာပါ။

အသစ်ထွက်ရှိလာမှာကတော့ Mi Band 4 ပဲ ဖြစ်ပါတယ်။ အရှေ့က မော်ဒယ်တွေထက် အဆင့်ပိုမြှင့်ထားတဲ့ အချက် ၂ မျိုး ပါရှိပါတယ်။ Display ပိုင်းမှာ AMOLED မျက်နှာပြင်က ယခင်မော်ဒယ်တွေထက် ၃၉.၉% ပိုကြီးလာမှာ ဖြစ်ပါတယ်။

www.mi.com

ဒါ့အပြင် Xiaomi ကုမ္ပဏီရဲ့ အသိဉာဏ်တုစနစ်ဖြစ်တဲ့ XiaoAI ကို အသုံးပြုထားတဲ့ Voice Assistant ပါ ပါဝင်လာတော့မှာ ဖြစ်ပါတယ်။ Band ရဲ့ လုပ်ဆောင်မှုတွေကို စကားနဲ့ပါ ခိုင်းစေလို့ရတော့မှာ ဖြစ်ပါတယ်။ ပိုကြီးလာမယ့် မျက်နှာပြင်မှာလည်း အရောင်ပေါင်း ၁၆ သန်းနဲ့ theme ပေါင်း ၇၇ မျိုး ပါရှိတဲ့အတွက် မျက်နှာပြင်ကြီးကြီးမှာ ပိုမိုကောင်းမွန်လာတဲ့ display နဲ့ အချက်ပြစနစ်တွေ၊ fitness ဇယားတွေကို ကြည့်ရှုနိုင်မှာဖြစ်ပါတယ်။

READ
3D Printer အသုံးပြုပြီး မကြာခင်မှာ ထုတ်လုပ်တော့မယ့် လျှပ်စစ်မော်တော်ဆိုင်ကယ်
www.mi.com

နိုင်ငံတကာဈေးကွက်မှာတော့ ဘယ်အချိန်တရားဝင် ဝယ်ယူနိုင်မလဲ မသိရသေးပါဘူး။ တရုတ်ပြည်တွင်းမှာတော့ ထို Mi Band 4 ကို လာမယ့် ဇွန်လ ၁၆ ရက်နေ့မှာ ဝယ်လို့ရတော့မှာ ဖြစ်ပါတယ်။  ဈေးနှုန်းကတော့ ခန့်မှန်းခြေ ဒေါ်လာ ၄၀ ဝန်းကျင် ရှိမယ်လို့ သိရပါတယ်။

www.mi.com

White (ShweMom)

 

SHARE