လူတစ်ယောက်မူးနေချိန်ဖြစ်တဲ့ အပြုအမူဟာ တကယ့်ပုံစံအစစ်ဟု သိပ္ပံပညာဆို

လူတစ်ယောက် မူးပြီးကွဲပြဲနေတဲ့အချိန်နဲ့ သာမန်အချိန်၊ ဒါမှမဟုတ် သောက်ထားလည်း ဣနြေ္ဒပျက်အောင် မမူးသေးတဲ့အချိန်နှစ်ခု ဘယ်လောက်ကွာခြားတယ်လို့ သင်ထင်ပါသလဲ။ အဖြေကတော့ သိပ်ကိုအံ့သြစရာကောင်းပါတယ်။ အယ်လ်ကိုဟောဆိုတဲ့ ယမကာရဲ့အစွမ်းနဲ့ ခြယ်လှယ်မှုအောက်မှာ အလွှမ်းမိုးခံလိုက်ရတဲ့ လူတစ်ယောက်ဟာ နောက်ထပ်ဗားရှင်းတစ်မျိုးနဲ့ ကိုယ်ပွားတစ်ယောက် ဖြစ်သွားသလိုပါပဲ။ မူးတဲ့ညတုန်းက ဖြစ်ထားတဲ့ ပေါက်ကရဖြစ်ရပ်တွေ၊ ရယ်စရာဟာသတွေကို ပြန်ကြည့်မိရင် လူတိုင်းက ဒါဟာ မကောင်းတဲ့သေရည်သေရက်ကြောင့်သာ ဖြစ်ရတာလို့ ပြောလေ့ရှိကြပါတယ်။ သို့ပေမယ့်လည်း လူအများလက်ခံထားတဲ့ ဒီအချက်ဟာ လုံးဝမှားယွင်းနေတယ်လို့ ပြောရတော့မှာပါ။ အကြောင်းက လေ့လာမှုအသစ်တစ်ခုအရ မူးတဲ့အချိန်မှာလုပ်တဲ့ အပြုအမူတွေဟာ ပုံမှန်အချိန်မှာလုပ်တဲ့ အပြုအမူတွေထက် ပိုပြီးစိတ်ရင်းစစ်မှန်တယ်ဆိုတဲ့ တွေ့ရှိချက်တစ်ခုကြောင့်ပါပဲ။

Purdue University နဲ့ University of Missouri တက္ကသိုလ်နှစ်ခုက လေ့လာသူတွေ ပူးပေါင်းထားတဲ့ သုတေသနအဖွဲ့ဟာ လုပ်အားပေး (၁၅၆)ယောက် ပါဝင်တဲ့အဖွဲ့ကို အယ်လ်ကိုဟောက လူတွေရဲ့အပြုအမူပေါ်မှာ ဘယ်လိုသက်ရောက်မှုရှိကြောင်းသိရဖို့ စမ်းသပ်လေ့လာခဲ့ကြတာ ဖြစ်ပါတယ်။ ဒီစမ်းသပ်မှုမှာ ပါဝင်တဲ့ လုပ်အားပေးအားလုံးကို စမ်းသပ်မှုမတိုင်ခင် နှစ်ပတ်ကြိုပြီး Survey အရင်ကောက်ခဲ့ပါတယ်။ လုံးဝမူးသွားတဲ့အချိန်နဲ့ သာမန်အချိန်နှစ်မျိုးမှာ ကွာခြားတဲ့ သူတို့ရဲ့အပြုအမူနဲ့ မူးလာရင် ဘာတွေလုပ်တတ်တယ်ဆိုတာကို တစ်ယောက်ချင်းစီ မေးမြန်းပြီး မှတ်တမ်းယူခဲ့ပါတယ်။

READ
တို့ဟူး(တို့ဖူး)မှပေးစွမ်းတဲ့အာနိသင်(၄)မျိုး

ဒီနောက်မှာတော့ လုပ်အားပေးပါဝင်သူ တစ်အုပ်စုလုံးကို ကျပန်းအနေနဲ့ နှစ်ဖွဲ့ခွဲလိုက်ပါတယ်။ တစ်ဖွဲ့ကို ဗော်ကာအရက်နဲ့ စပရိုက်အချိုရည်ရောထားတာကို ပေးခဲ့ပြီး ကျန်တစ်ဖွဲ့ကိုတော့ စပရိုက်အချိုရည်ကိုသာ ပေးခဲ့ပါတယ်။ ဗော်ကာအရက်သောက်သုံးသူအဖွဲ့ကို သူတို့ကိုပေးထားတဲ့ တာဝန်တစ်ခုချင်းစီကို ဆောင်ရွက်နေရင်း ဆက်သောက်နေဖို့ ညွှန်ကြားခဲ့ပြီး ကျန်အချိုရည်သောက်သူများအဖွဲ့ကိုတော့ ယမကာလုလင်များအဖွဲ့ကို စောင့်ကြည့်ခိုင်းထားပါတယ်။

ယမကာလုလင်အဖွဲ့က တာဝန်တွေ ကိုယ်စီပြီးသွားတဲ့အခါ သူတို့ကိုယ်ကို ပြန်ပြီးအမှတ်ပေးခိုင်းခဲ့ပါတယ်။ သူတို့အားလုံးဟာ တာဝန်လစ်ဟင်းတာ၊ ကိစ္စတစ်ခုအပေါ် အလွယ်တကူ သဘောတူနိုင်တာ၊ ရင်တွင်းခံစားချက်တွေကို ရင်ဖွင့်တာစတာတွေကို တညီတညွတ်တည်း ပြောပြခဲ့ကြပြီး မူးနေတဲ့အခါ သာမန်အချိန်ထက် လူကပွင့်လင်းတက်ကြွပြီး စိတ်ခံစားမှုတွေ တည်ငြိမ်နေတယ်လို့ အတူတူဆိုလာကြပါတယ်။ သို့ပေမယ့်လည်း အချိုရည်ေ်သာက်သုံးတဲ့ စောင့်ကြည့်သူများအဖွဲ့ကတော့ ယမကာလုလင်အဖွဲ့ပြောတာတွေကို သဘောတူညီမှုမရှိကြဘဲ မူးတဲ့အချိန်နဲ့ မမူးတဲ့အချိန် သိသိသာသာ ကွာခြားတာမျိုးလည်း မရှိပါဘူးလို့ ဆိုခဲ့ကြပါတယ်။

ဒီသုတေသနအဖွဲ့ထဲမှာ ပါဝင်တဲ့ စိတ်ပညာရှင် ဒေါက်တာ ရေချယ်လ် ၀င်နိုဂရတ်ကတော့ မူးနေတဲ့အဖွဲ့ဟာ မမူးတဲ့အဖွဲ့ မြင်တဲ့အမြင်နဲ့ မတူတဲ့ ရှုထောင့်ကနေ သူတို့ရဲ့အပြုအမူတွေကို မြင်နိုင်ကြပြီး သူတို့ကိုပေးအပ်ထားတဲ့ တာဝန်တစ်ခုချင်းစီကို ပြုလုပ်ရာမှာလည်း မူမမှန်တဲ့ လက်မခံနိုင်ဖွယ်ရာမျိုးတွေ ဖြစ်နေတယ်လို့ သူတို့ကိုယ်သူတို့ မခံစားရတာဟာ တော်တော်လေး ထူးဆန်းတယ်လို့ ပြောပြခဲ့ပါတယ်။

READ
အမျိုးသမီးတွေအဖြစ်များဆုံး ကင်ဆာရောဂါများနှင့်ကြိုတင်ကာကွယ်နည်းများ

ဒီတော့ မူးနေတဲ့အချိန်မှာ ဖြစ်နေတဲ့ လူတစ်ယောက်ရဲ့ပုံစံဟာ သူ့ရဲ့တကယ့်ပုံစံ အစစ်အမှန်လို့ ပြောလို့ရပါတယ်ဆိုတာ ဖော်ပြရင်း …။

အလင်းဦး (Shwemom)

Source: disclose.tv

SHARE