စေ့စပ်လိုက်ပြီဖြစ်တဲ့ YouTube မှာ နှစ်ချီဗီဒီယိုတွေတင်ပြီး ဈေးဗန်းခင်းခဲ့တဲ့ အမျိုးသား

Timstar/YouTube

Timstar ဟာ Sydney မှာ နေထိုင်နေတဲ့ တရုတ်လူမျိုးတစ်ယောက်ဖြစ်ပါတယ်။ ၂၀၁၃ နောက်ပိုင်းလောက်ကစပြီး YouTube မှာ “ကျွန်တော့်ချစ်သူဖြစ်ပေးနိုင်မလား” ဆိုတဲ့ နာမည်နဲ့ Timstar ဟာ ဗီဒီယိုတွေ စတင်တင်လာခဲ့ပါတော့တယ်။ သူ့ရဲ့ ဗီဒီယိုတွေဟာ နယူးဇီလန်၊ အင်္ဂလန်၊ အင်ဒို၊ ကိုရီးယား၊ ဂျပန်၊ ဟောင်ကောင်အစရှိတဲ့ နိုင်ငံကြီးပေါင်း ၁၅ နိုင်ငံလောက်ကို ပျံ့နှံ့သွားခဲ့ကာ Timstar တစ်ယောက်လည်း ကမ္ဘာကျော်ဈေးဗန်းလိုက်ခင်းတဲ့ FA ကောင်လေးတစ်ယောက် ဖြစ်မှန်းမသိဖြစ်လာခဲ့ပါတော့တယ်။

၂၀၁၈ ခုနှစ်ရဲ့ အောက်တိုဘာလလောက်မှာတော့ Timstar တစ်ယောက် ချစ်သူရသွားခဲ့ပါပြီလို့ ကြေငြာခဲ့ပါတယ်။ ကောင်မလေးဟာ Sijia လို့ သိရပြီး ကိုယ်တိုင်လည်း YouTuber တစ်ယောက်ဖြစ်ပြီး beauty blogger တစ်ယောက်ပါတဲ့။ နှစ်ယောက်သားတော်တေ်ာလေးကို ချစ်ခဲ့ကြပြီး လူကြားထဲလည်း ချစ်စရာပုံလေးတွေမျှဝေလေ့ရှိကြပါတယ်။

Timstar/YouTube

ဒါပေမဲ့ နှစ်ယောက်သား ကြားထဲမှာ နှစ်ဦးသဘောတူခေတ္တပြတ်ဆဲခဲ့ကြပါတော့တယ်။ ဒါပေမဲ့ Timstar အနေနဲ့ ပြတ်ပြီးကာမှ ချစ်သူလေးနဲ့အတူတူရှိနေခဲ့တဲ့အချိန်လေးကို ပြန်လည်တမ်းတလာခဲ့ပါတော့တယ်။ Timstar ပြောခဲ့တာကတော့ ချစ်သူနဲ့ပြတ်ပြီးမှ အိပ်ယာတွေကလည်း ပိုအေးစက်လာပြီး သွားခဲ့ဖူးတဲ့နေရာတွေကလည်း ပိုအထီးကျန်ရပါတယ်တဲ့။ ဒါနဲ့ပဲ Timstar အနေနဲ့ Sijia ကို ထပ်မံချဉ်းကပ်ခဲ့ပါတော့တယ်။

READ
စေတန်နဲ့ညှိနှိုင်းပြီး ကင်ဆာရောဂါကုသပေးနိုင်ကြောင်းဆိုလာတဲ့ အောက်လမ်းဆရာမ
Timstar/YouTube
Timstar/YouTube

တစ်ရက်မှာတော့ bubble tea သွားသောက်ကြမယ်ဆိုပြီး Sijia ကို ခေါ်ထုတ်ခဲ့ပါတယ်။ Sijia မထင်မှတ်ထားတဲ့ အချိန်မှာပဲ Timstar ဟာ ချစ်သူကောင်မလေးကို လက်ထပ်ခွင့်တောင်းခဲ့ပါတော့တယ်။ ဟုတ်ပါတယ်၊ နောက်ဆုံးတော့ ကမ္ဘာကျော်ဈေးဗန်းခင်းနေတဲ့အက်ဖ်အေကြီး Timstar တစ်ယောက် စွံသွားခဲ့ပါပြီ။ လက်ထပ်မယ့်နေ့ကိုမစဉ်းစားရသေးပေမယ့် အခုအချိန်မှာတော့ Timstar ဟာ သူ့ရဲ့ ရည်းစားရှာတဲ့ဗီဒီယိုတွေကို ဆက်မလေုပ်တော့ဘဲ သူရော ချစ်သူလေး Sijia ရဲ့ Instagram account တွေကို private ချလိုက်ခဲ့ပါပြီ။

Penny

SHARE