မြင်းကျားမကြီးနဲ့ မြည်းတို့ ပေါင်းစပ်ပြီးမှ မွေးလာတဲ့ မျိုးစပ်ကပြား Zonkey လေး

Twitter/TheSheldrickTrust-

Zebra (မြင်းကျား)နဲ့ Donkey (မြည်း)တို့ ပေါင်းစပ်ပြီး ရရှိလာတဲ့ မျိုးစိတ်အသစ်ကို Zonkey လို့ ခေါ်ပါတယ်။ Zebroid လို့လည်း ခေါ်ကြပါတယ်။ ဒါပေမယ့် Zebroid ဆိုတာကတော့ မြည်းနဲ့မှမဟုတ်ဘဲ၊ မြင်းနဲ့ ဒါမှမဟုတ် တခြားသတ္တဝါတစ်ကောင်ကောင်နဲ့ ပေါင်းစပ်ပြီး ဖြစ်လာတဲ့မျိုးစိတ်အသစ်အတွက် ပိုပြီးနီးစပ်ပါတယ်။

အခုဖြစ်စဉ်ကတော့ ကင်ညာနိုင်ငံ၊ Chyulu Hills National Park မှာ ဖြစ်ခဲ့တာပါ။ အဲဒီမှာ သဘာဝသားရိုင်းတိရစ္ဆာန်တွေ မြောက်များစွာ ရှိနေပြီး၊ မြင်းကျားတွေလည်း အပါအဝင်ဖြစ်ပါတယ်။ Sheldrick Wildlife Trust အဖွဲ့က ဒီ Zonkey လေးကို သတိထားမိခဲ့တာပါ။

Twitter/TheSheldrickTrust

Zonkey လေးကို သေချာကြည့်တဲ့အခါ မိခင်မြင်းကျားမကြီးဆီက အမည်းရောင်အစင်းအကျားတွေ ပါဝင်နေပေမယ့် ခန္ဓာကိုယ်အောက်ပိုင်းရဲ့ ရာခိုင်နှုန်းအနည်းငယ်သာ ပါဝင်နေတာပါ။ ကျန်တာကတော့ အညိုရောင်အမွေးတွေ ဖုံးအုပ်ထားပြီး၊ သူ့ဖခင်ရဲ့ မျိုးဗီဇကို ကောင်းကောင်းကြီး မြင်တွေ့ရပါတယ်။

 

မြင်းကျားမတွေဟာ ကိုယ်ဝန်ဆောင်ချိန် (၁၂)လလောက်အထိ ကြာတတ်ပါတယ်။ ဒီမြင်းကျားမလေးဟာ Tsavo East National Park ကနေ ခြေဦးတည့်ရာ ထွက်လာခဲ့ရင်း ဝန်ထမ်းတွေက Chyulu Hills National Park ကို ခေါ်ဆောက်လာခဲ့တာပါ။ နာမည်တောင် မပေးရတဲ့ မြင်းကျားမလေးဖြစ်ပါတယ်။

နေရာအသစ်မှာ သူမဟာ မြည်းတစ်ကောင်နဲ့ အကျွမ်းတဝင် ဖြစ်ခဲ့ပြီးနောက် နောက်ဆုံးတော့ ထူးဆန်းရှားပါးတဲ့ Zonkey လေးကို မွေးဖွားခဲ့တာပါ။ သူတုို့ သားအမိနှစ်ကောင်ဟာ Chyulu Hills National Park မှာ ပျော်ရွှင်နေပါတယ်။ ဒီပန်းခြံမှာတော့ တောကောင်ကြီးတွေ အရေအတွက်အားဖြင့် နည်းပါးတာကြောင့် Zonkey လေးအဖို့ သဘာဝအတိုင်း ဆက်လက်ရှင်သန်နိုင်မယ်လို့ ယုံကြည်ရပါတယ်။

လင်းသူရိန်

SHARE