ခွေးကို ခြင်္သေ့အယောင်ဆောင်ခိုင်းတယ်ဆိုပြီး အဝေဖန်ခံနေရတဲ့ တိရစ္ဆာန်ရုံ

တရုတ်နိုင်ငံက တိရစ္ဆာန်ရုံတစ်ရုံထဲ အလည်လာခဲ့တဲ့ ဧည့်သည်တွေဟာ ခြင်္သေ့ပေါက်လှောင်အိမ်လို့ စာတပ်ထားတဲ့ ၀င်းကြီးထဲ ခြင်္သေ့ဆိုလို့ တစ်ကောင်တစ်မြီးမှမတွေ့ရပဲ ခွေးတစ်ကောင်ကိုသာ တွေ့ခဲ့ရတာကြောင့် ဒေါသထွက်နေကြပါတယ်။ ထွက်လာတဲ့ ဗီဒီယိုထဲမှာတော့ ကမ္ဘာလှည့်ခရီးသည်တစ်ယောက်ဟာ “ဒီနေရာမှာ ခြင်္သေ့ပေါက်တစ်ကောင်ရှိသည်” “ခြင်္သေ့တွေဟာ တောဘုရင်ဖြစ်သည်..” ဆိုတဲ့ တိရစ္ဆာန်ရုံက ဆိုင်းဘုတ်ကို ရိုက်ပြခဲ့ပါတယ်။

weibo

ဆိုင်းဘုတ်ရှိရာ ၀င်းထဲမှာတော့ မျှော်လင့်ထားသလို ခြင်္သေ့ပေါက်တွေရှိနေတာမဟုတ်ပဲ golden retriever အမျိုးအစားခွေးတစ်ကောင်သာ လဲလျောင်းနေခဲ့တာ ဖြစ်ပါတယ်။ ၀င်းကိုတော့ ရုံက မှန်ကာထားတာ ဖြစ်ပါတယ်။ တိရစ္ဆာန်ရုံကိုလာတဲ့ ဧည့်သည်တွေကတော့ ရုံဟာ သူတို့တွေကို အရူးလုပ်တာဆိုပြီး မကျေမချမ်းဖြစ်နေကြပါတယ်။ ဒါပေမယ့် တိရစ္ဆာန်ရုံကတော့ ၀င်းထဲမှာ ရှိတဲ့ ခွေးဟာ ခြင်္သေ့ပေါက်လေးတွေကို စောင့်ရှောက်ပေးဖို့ ရှိနေတာပါဆိုပြီး ပြန်လည်ရှင်းပြခဲ့ပါတယ်။

weibo

(၂၂) စက္ကန့်စာ ကြာမြင့်တဲ့ ဗီဒီယိုကိုတော့ တရုတ်နိုင်ငံ အရှေ့ပိုင်း ရှန်ဒုန်းပြည်နယ်က ကျူးချန်တောတွင်းတိရစ္ဆာန်ဥယျာဉ်မှာ ရိုက်ကူးထားခဲ့တာ ဖြစ်ပါတယ်။ ဗီဒီယိုဟာ တနင်္ဂနွေနေ့တုန်းက တရုတ်နိုင်ငံရဲ့ အသုံးများတဲ့ လူမှုကွန်ယက် Weibo မှာ တိရစ္ဆာန်ရုံဟာ ခွေးကို ခြင်္သေ့အယောင်ဆောင်ခိုင်းထားတယ်ဆိုတဲ့ hashtag နဲ့ အတူ ပြန့်နှံ့လာခဲ့တာပါ။ ရုံမှာချိတ်ထားတဲ့ ဆိုင်းဘုတ်အရဆိုရင်တော့ တိရစ္ဆာန်ရုံဟာ အမှန်တကယ်ပဲ ခြင်္သေ့ပေါက်လေးတွေကို ပြသထားရမှာ ဖြစ်ပါတယ်။

READ
လူသတ်မုဒိမ်းသမားကိုသေဒဏ်စီရင်မှုအား ကြည့်ရှုပြီး၊ ဝမ်းသာမိဟုကလေး၏ဖခင်ဖွင့်ဟ
weibo

တိရစ္ဆာန်ရုံစောင့်တစ်ဦးကတော့ ရုံမှာ (၈) လသားအရွယ် ခြင်္သေ့ပေါက်(၂) ကောင်နဲ့ (၆) လသားအရွယ် ခြင်္သေ့ပေါက်တစ်ကောင်ရှိကြောင်း ပြောပြပါတယ်။ ခြင်္သေ့လေးတွေရဲ့ အမေဟာ ကလေးတွေကို ပြန်မစောင့်ရှောက်နိုင်လောက်အောင် အလုပ်များတာကြောင့် ဧည့်သည်တွေတွေ့ခဲ့ရတဲ့ ခွေးဟာ ခြင်္သေ့လေးတွေကို စောင့်ရှောက်ရကြောင်းနဲ့ ခြင်္သေ့ပေါက်လေးတွေနဲ့ အင်မတန်ရင်းနှီးကြောင်း ဒေသခံသတင်းဌာနတစ်ခုဖြစ်တဲ့ Dazhong Net ကို ပြောပြခဲ့ပါတယ်။

weibo

ကျူးချန်တိရစ္ဆာန်ဥယျာဉ်ဟာ (၆၁၂) ဧကကျယ်ဝန်းပြီး ၄င်းဥယျာဉ်ကို ပေါင်သန်း(၄၀) အကုန်ကျခံ ဆောက်လုပ်ခဲ့တာ ဖြစ်ပါတယ်။ တိရစ္ဆာန်ရုံမှာတော့ အာဖရိကန်ခြင်္သေ့ (၁၀)ကောင်၊ ဆိုက်ဘေးရီးယန်းကျားတွေနဲ့ ၀က်ဝံအကောင်(၄၀) အပါအ၀င် တိရစ္ဆာန်ကောင်ရေ(၂) ထောင်ကျော်ရှိတယ်လို့ သိရပါတယ်။

လင်းလင်း (ShweMom)

Ref: dailymail

SHARE