တရုတ်ပြည်ရဲ့ ပထမဆုံး 5G ဖုန်းကို ထုတ်လုပ်လိုက်နိုင်တဲ့ ZTE

ZTE

မြန်မာနိုင်ငံအပါအဝင်  တောင်ကိုရီးယား၊ အမေရိကန်၊ တရုတ်၊ ဂျပန် စတဲ့ နိုင်ငံတွေမှာ 5G ကွန်ရက်စနစ်ကို စတင်နေကြပြီဖြစ်ပါတယ်။ 5G ဝန်ဆောင်မှုတွေ လာတော့မယ့်အလျောက် 5G အသုံးပြုလို့ရတဲ့ device တွေလည်း ဈေးကွက်ထဲကို စတင်ခြေလှမ်းချနေပါပြီ။ ယနေ့ နိုင်ငံခြား နည်းပညာသတင်း မီဒီယာဖြစ်တဲ့ The Verge မှာတော့ တရုတ်ပြည်တွင်းထုတ်လုပ်တဲ့ ပထမဆုံး 5G သုံး စမတ်ဖုန်း ထွက်ရှိလာပြီဖြစ်တဲ့အကြောင်း ဖော်ပြထားပါတယ်။

ZTE

ZTE ကုမ္ပဏီကနေ Axon 10 Pro 5G စမတ်ဖုန်း မော်ဒယ်သစ်ကို တရုတ်ပြည်တွင်း ဈေးကွက်မှာ စတင်ဖြန့်ချိပြီဆိုတဲ့အကြောင်း ကြေညာလိုက်ပါတယ်။ ဒါဟာ တရုတ်ပြည်ရဲ့ အကြီးဆုံး စမတ်ဖုန်းကုမ္ပဏီ Huawei ရဲ့ အရင်တောင် ဦးအောင်ပြီး 5G ဖုန်းကို ထုတ်လိုက်တာလည်း ဖြစ်ပါတယ်။ Huawei ရဲ့ Huawei Mate 20 X 5G ကတော့ ယခု သြဂုတ်လ ၁၆ ရက်နေ့မှာ ထွက်ရှိလာမှာဖြစ်တဲ့အတွက် ZTE က တရုတ်ပြည်တွင်းထုတ် ပထမဆုံး 5G ဖုန်းကို ထုတ်တဲ့ ကုမ္ပဏီ ဖြစ်လာတာပါ။ တကယ့်တော့ ဈေးကွက်မှာ 5G ဖုန်း ရှိနေပြီဖြစ်ပေမယ့်လို့ 5G ဝန်ဆောင်မှုကို တရုတ်ပြည်ရှိ ဆက်သွယ်ရေး အော်ပရေတာတွေက တရားဝန် ဝန်ဆောင်မှုပေးမှာကတော့ ၂၀၁၉ အောက်တိုဘာလမှ ဖြစ်ပါတယ်။

READ
Selfie ဓာတ်ပုံလှလှလေးရဖို့ သိထားသင့်သောအချက်များ
ZTE

ယခုထွက်ရှိလာတဲ့ ZTE ရဲ့ Axon 10 Pro 5G ကတော့ မျက်နှာပြင် ၆.၄၇ လက်မ ရှိပြီး display က HD 1080p သုံးနိုင်တဲ့ AMOLED screen ဖြစ်ပါတယ်။ Processor ကတော့ Qualcomm က ထုတ်တဲ့ 5G နည်းပညာအတွက် first generation ဖြစ်တဲ့ Snapdragon X50 5G Modem ကို သုံးထားပါတယ်။ Internal storage က 128 GB ဖြစ်ပါတယ်။ မြန်မာမှာလည်း သိပ်မကြာခင် 5G ဝန်ဆောင်မှုတွေ ရတော့မှာဆိုတော့ ZTE ရဲ့ 5G ဖုန်းလေး အကြောင်းကို သတင်းပါးလိုက်ရပါတယ်။

ZTE

Shwemom

SHARE