ကမ္ဘာပေါ်ကကြောက်စရာအကောင်းဆုံးနဲ့နာမည်အကြီးဆုံး အမျိုးသမီးတစ္ဆေ(၃)ကောင်

ဒီတစ်ခါ  ဗဟုသုတလည်းရ၊ သည်းထိတ်ရင်ဖိုတွေကိုကြိုက်တဲ့ သူလေးတွေအတွက် ကမ္ဘာပေါ်က နာမည်အကြီးဆုံး အမျိုးသမီးတစ္ဆေသုံးဦးနဲ့ သူတို့ရဲ့ ရာဇဝင်တွေကို ဖော်ပြပေးလိုက်ပါတယ်။.

(၁) La Llorona

ဒီအမျိုးသမီးကို ငိုနေတဲ့မိန်းမ လို့လည်း ခေါ်ကြပါတယ်။ စပိန် နဲ့ မက္ကဆီကိုကနေပေါက်ဖွားလာတဲ့ အကြောင်းအရာလေးဖြစ်တယ်။ မာရီယာလို့ခေါ်တဲ့ အမျိုးသမီးဟာ သူ့ခင်ပွန်းအခြားမိန်းမနဲ့ ဖောက်ပြန်နေတာ သိသွားပြီးတော့ လက်စားချေတဲ့အနေနဲ့ သူ့ခင်ပွန်းနဲ့ရထားတဲ့ ကလေးနှစ်ယောက်ကို ရေနှစ်ပြီးသတ်လိုက်ပါတယ်။ ခဏအကြာမှာ သူ့ကိုယ်သူလည်း ရေနှစ်ပြီး သတ်သေခဲ့ပါတယ်။ ဒါပေမယ့် သူ့ဝိညာဉ်ကတော့ မကျွတ်မလွတ်ပဲ သူ့ရဲ့ ကလေးတွေကို လိုက်ရှာနေတယ်လို့ ဆိုကြပါတယ်။ “ငါ့ရဲ့ကလေးတွေဘယ်မှာလဲ” ဆိုပြီး သူပြောနေတဲ့ အသံကိုကြားတဲ့သူဟာ သေရတယ်လို့လည်း ဆိုကြပါတယ်။

(၂) Kuchisake-Onna

Kuchisake-Onna ဆိုတာဟာ ဂျပန်လိုဖြစ်ပြီး မြန်မာလို ပါးစပ်ပြဲနေတဲ့အမျိုးသမီး လို့ အဓိပ္ပါယ်ရပါတယ်။ ဒီဖြစ်ရပ်ရဲ့အစက အိမ်ထောင်ရေးဖောက်ပြန်တဲ့မိန်းမဖြစ်သူကို ယောက်ျားဖြစ်သူက ပါးစပ်ကို ဓါးနဲ့ဖြဲပြီး သတ်ခဲ့ပါတယ်။ အဲဒီ့နောက်မှာတော့ သူ့ရဲ့ ဝိညာဉ်က မကျွတ်မလွတ်တော့ပဲ မြို့တွင်းကလူတွေကို လိုက်ခြောက်ပါတော့တယ်။ သူ့ရဲ့ ပြဲနေတဲ့ပါးစပ်ကြီးကိုပြပြီး “ကျွန်မလှလား” လို့မေးတတ်ပါတယ်။ လှတယ်ပဲပြောပြော၊ မလှဘူးပဲပြောပြော သူတို့ရဲ့ ပါးစပ်ကို သူ့လိုပဲ ဖြဲပစ်ပါတယ်လို့ ဆိုကြပါတယ်။

READ
ကြည့်ရှုသူတိုင်းကို ကြက်သီးထစေခဲ့တဲ့ သဘာဝလွန်ထိတ်လန့်စရာဓာတ်ပုံများ

(၃) ခေါင်းပြတ်နေတဲ့သီလရှင်

နောက်ထပ် အမျိုးသမီးတစ္ဆေကတော့ Sister Marie Inconnue ဖြစ်ပါတယ်။ သူဟာ ကနေဒါနိုင်ငံက ခေါင်းပြတ်တစ္ဆေ လို့ နာမည်ကြီးတဲ့ အမျိုးသမီးဖြစ်ပါတယ်။ သက္ကရာဇ် ၁၇၀၀ လောက်ကတည်းက ပြောစမှတ်ပြုလာကြတဲ့ အကြောင်းအရာတစ်ခုပါ။ ပုံစံအမျိုးမျိုးနဲ့ပြောကြပေမယ့် အကြောင်းအရာကတော့ အတူတူပါပဲ။ စိတ်မနှံ့တဲ့ မုဆိုးတစ်ယောက်က သီလရှင်ရဲ့ ခေါင်းကိုဖြတ်ပြီး တောအုပ်ထဲကိုယူပြေးသွားတယ်။ အဲဒီ့အချိန်ကစပြီး သူ့ဝိညာဉ်က မကျွတ်တော့ပဲ သူ့ဦးခေါင်းကို ပြန်ရပြီး ကိုယ်အင်္ဂါအစိတ်အပိုင်း အပြည့်စုံမချင်း သူ့ခေါင်းကိုလိုက်ရှာနေဦးမယ်လို့ ဆိုကြပါတယ်။

Em Em (Shwemom)

Shwemom Team မှ စီစဉ်တင်ဆက်သော www.shwemom.com တွင် ဖော်ပြပါရှိသော သတင်းများ၊ သတင်းဆောင်းပါးများ၊ ဘာသာပြန်ဆောင်းပါးများကို မည်သည့် Facebook စာမျက်နှာ ၊ Website များတွင်မဆို ပြန်လည်ကူးယူ ဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။

SHARE