တစ်ယောက်တည်းသီးသန့်အချိန်ခေတ္တလိုအပ်နေတဲ့ကျောင်းသားတွေအတွက် မျက်ရည်ဗီရို

တက္ကသိုလ်ကျောင်းတစ်ကျောင်းဟာ ၀မ်းနည်းပြီးတစ်ယောက်တည်းတိတ်ဆိတ်တဲ့နေရာမှာ ခေတ္တခဏနေချင်တဲ့ ကျောင်းသားတွေအတွက် အထဲဝင်ပြီးငိုနိုင်တဲ့ဗီရိုတစ်ခုကို တပ်ဆင်ပေးခဲ့ပါတယ်။ အဆိုပါဗီရိုလေးကို အမေရိကန်နိုင်ငံ Utah တက္ကသိုလ်မှာရှိတဲ့ စာကြည့်တိုက်ထဲမှာထားပေးထားပါတယ်။ ဘယ်သူမဆိုဗီရိုထဲမှာဝင်ပြီး အနားယူကာ စိတ်သက်သာရာရအောင်လုပ်နိုင်မှာဖြစ်ပါတယ်။ ယင်းမျက်ရည်ဗီရိုကို တက္ကသိုလ်ကျောင်းသားတစ်ဦးနဲ့ တက္ကသိုလ်ကျောင်းသားဘ၀ကိုစာနာတတ်သူ ဒီဇိုင်နာနီမိုမစ်လာတို့က ဖန်တီးခဲ့ကြတာပါ။

(Image: @aJackieLarsen / Twitter)

ဗီရိုမှာကပ်ထားတဲ့စည်းကမ်းချက်တွေအရ ယင်းနေရာလွတ်ကလေးဟာ ဖိစီးမှုများနေတဲ့ ကျောင်းသားကျောင်းသူတွေအတွက် လုံခြုံစိတ်ချရတဲ့နေရာလေးလို့သိရပါတယ်။  ဗီရိုထဲမှာတော့ ပွေ့ဖက်လို့ရမယ့်အရုပ်ကလေးတွေကို ထည့်ပေးထားပါတယ်။ အထဲမှာနေချိန်ကတော့တစ်ဦးကို(၁၀)မိနစ်သာဖြစ်ပါတယ်။ တစ်ကြိမ်တည်းမှာ လူတစ်ဦးသာဝင်ခွင့်ရမှာပါ။ ဗီရိုထဲဝင်မထိုင်ခင်လည်း တံခါးအရင်ခေါက်ဖို့လိုပါလိမ့်မယ်။

(Image: @aJackieLarsen / Twitter)

ဗီရိုထဲဝင်ပြီး အထဲမှာစိတ်ပင်ပန်းမှုဖြေဖျောက်ကြတဲ့ကျောင်းသားကျောင်းသူတွေကိုလည်း မျက်ရည်ဗီရိုထဲကအတွေ့အကြုံတွေကို Hashtag #cryclosetuofo သုံးပြီး ဝေမျှပေးနိုင်ပါတယ်။ Utah တက္ကသိုလ်မှာကျောင်းတက်နေတဲ့ကျောင်းသူတစ်ဦးဖြစ်တဲ့ ဂျက်ကီလာဆန်ဆိုသူက ယင်းဗီရိုနဲ့ပတ်သက်ပြီး အင်္ဂါနေ့တုန်းက တွစ်တာပေါ်မှာဓာတ်ပုံအချို့တင်ကာမျှဝေခဲ့တာဖြစ်ပြီး ထိုမှတဆင့်အွန်လိုင်းပေါ်မှာ ပျံ့နှံ့သွားခဲ့တာဖြစ်ပါတယ်။

လင်းလင်း (ShweMom)

Ref: Mirror

SHARE