ဂျုတီနောက်ဆုံးနေ့မှာ လူနာတွေ ပျော်ဖို့အတွက် PPE ဝတ်ပြီးကပြခဲ့တဲ့ ဆရာဝန်

twitter/Dr Syed Faizan Ahmad

ကိုဗစ်ကာလအတွင်းမှာ ကျန်းမာရေးဝန်ထမ်းတွေဟာ အရမ်းစိတ်ပင်ပန်းလူပင်ပန်းဖြစ်ရပါတယ်။ ပူအိုက်ပြီး မွန်းကြပ်လှတဲ့ PPE ဝတ်စုံကြီးကို နာရီပေါင်းများစွာဝတ်ထားရပြီး မိမိနဲ့ သွေးမတော်သားမစပ်တဲ့သူတွေကို ပြုစုစောင့်ရှောက်ပေးရပါတယ်။ စားချိန်မမှန် အိပ်ချိန်မမှန်နဲ့ ရောဂါကူးစက်မှာတောင် အမှုမထား၊ လူနာတွေအပေါ် ကရုဏာထားစောင့်ရှောက်ပေးကြတဲ့ ကျန်းမာရေးဝန်ထမ်းတွေရဲ့ကျေးဇူးကတော့ ဆပ်လို့မကုန်ပါဘူး။ အခုလောက်ထိ ပင်ပန်းနေတဲ့ကြားက ဆရာဝန်တစ်ဦးကတော့ ကိုဗစ်လူနာတွေစိတ်အားတက်ကြွစေဖို့ သီချင်းလေးတစ်ပုဒ်နဲ့ ကပြဖျော်ဖြေခဲ့ရာမှာ အွန်လိုင်းပေါ်လူသိများသွားခဲ့တာပဲဖြစ်ပါတယ်။

သူ့နာမည်က ဒေါက်တာ Arup Senapati ဖြစ်ပါတယ်။ သူဟာ အိန္ဒိယနိုင်ငံ အာဆမ်ပြည်နယ်က ခွဲစိတ်ဆရာဝန်တစ်ယောက်ဖြစ်ပါတယ်။ ဒေါက်တာ Arup ဟာ ကိုဗစ်လူနာဆောင်မှာ ၇ရက်တာဝန်ထမ်းဆောင်ဖို့ ဂျူတီကျပါတယ်။ ဂျူတီပြီးရင်တော့ သူQဝင်ရတော့မှာပါ။ ဒါကြောင့် လုပ်ဖော်ကိုင်ဖက်တွေက သူ့ဂျူတီနောက်ဆုံးနေ့ဖြစ်လို့ ကပြဖို့တိုက်တွန်းရာကနေ သူက War ရုပ်ရှင်ဇာတ်ကားထဲက Ghungroo အမည်ရတဲ့သီချင်းနဲ့ လူနာတွေကို ကပြခဲ့တာဖြစ်ပါတယ်။

ဒေါက်တာ Arup ကတော့ “လူနာတွေက အရမ်းပျော်နေကြတာ။ ကျွန်တော်လည်း ပျော်ခဲ့တယ်။ ကျွန်တော်က လူနာတွေကို စိတ်အားတက်စေချင်တယ်။ ဒီတစ်ပတ်လုံး တော်တော်ခက်ခဲခဲ့ပါတယ်။ PPE နဲ့က အလုပ်လုပ်ရတာခက်တယ်။ ဒါပေမဲ့ လူနာတွေပြန်သက်သာလာတဲ့နှုန်းကတော့ တိုးလာပါတယ်။ အခြေအနေတွေပိုကောင်းလာတော့မှာပါ။ ဒီတိုက်ပွဲကပြီးဖို့ ဝေးနေသေးပေမယ့် ဒါကိုအနိုင်တိုက်ဖို့ ကျွန်တော်တို့နေ့တိုင်းအလုပ်လုပ်နေပါတယ်။” လို့ အခုလိုပြောပြပါတယ်။

READ
နုိုင်ငံတကာအမျိုးသမီးများနေ့မှာ ယောက်ျားဖြစ်သူရဲ့ဝှေးစေ့ကိုဆွဲဖြုတ်ပစ်တဲ့အမျိုးသမီး

ဒေါက်တာ Arup ရဲ့အကဗီဒီယိုဖိုင်ကိုတော့ အွန်လိုင်းပေါ်မှာ လူသန်းပေါင်းများစွာက ကြည့်ရှုခဲ့ကြပါတယ်။ War ရုပ်ရှင်ကားထဲမှာ Ghungroo သီချင်းနဲ့ကိုယ်တိုင်ကခဲ့တဲ့ ရုပ်ရှင်သရုပ်ဆောင် Hrithik Roshan ကလည်း ဒေါက်တာ Arup ရဲ့ဖျော်ဖြေမှုကိုချီးမွမ်းခဲ့ပါသေးတယ်။ Roshan ကတော့ “ဒေါက်တာ Arup ကိုပြောလိုက်ပါဦး။ သူ့ကကွက်တွေကိုကျွန်တော်သင်နေတယ်လို့။ တစ်နေ့ အာဆမ်မှာ သူ့လောက်ကောင်းအောင် ကပြပါဦးမယ်။ ဂုဏ်ယူစရာကောင်းတဲ့စိတ်ထားပါ။” ဆိုပြီး တွစ်တာပေါ်မှာ မျှဝေခဲ့တယ်လို့လည်း indianexpress  သတင်းအရ သိရပါတယ်။

ShweMom

SHARE