အပင်တွေသတ္တဝါတွေအမျိုးမျိုးနဲ့ ဖွဲ့စည်းထားတဲ့ သတ္တလောကကြီးမှာ အချို့သော သစ်သီးသစ်ဖုတွေနဲ့ တိရစ္တာန်တွေဟာ လူသားတွေကို ချက်ချင်းအသက်သေစေလောက်တဲ့အစွမ်းရှိပါတယ်။ အခုဖော်ပြပေးမှာတော့ လူသားတွေရဲ့အသက်ကို ဇီဝှိန်ခြွေနိုင်တဲ့ မန်ချီနီ သို့မဟုတ် သေမင်းပန်းသီးလို့ခေါ်ကြတဲ့အသီးပါ။ မန်ချီနီသီးတွေကို မြေထဲပင်လယ်နဲ့ အပူပိုင်းဒေသတွေ၊ ပနားမားအနောက်မြောက်ပိုင်းက ဘာ့စ်တီမန်တိုကျွန်း၊ သဲပေါတဲ့ကမ်းခြေတွေ၊ အမေရိက အလယ်ပိုင်းနဲ့ တောင်ပိုင်းတို့မှာ တွေ့ရတတ်ပါတယ်။
အသီးပုံစံက ပန်းသီးခပ်သေးသေးနဲ့တူပါတယ်။ အသီးမှာတော့ အဆိပ်တွေအပြည့်ပါပဲ။ အရင်တုန်းကတော့ လူတွေဟာ မန်ချီနီသီးက အရည်ကိုမြားမှာအဆိပ်အဖြစ် သုတ်လိမ်းကြတယ်လို့ဆိုပါတယ်။ ခေတ်သစ်ရုက္ခဗေဒစာပေပိုင်းမှာတော့ ဒီအသီးကြောင့် သေဆုံးသူရယ်လို့မှတ်တမ်းတင်ထားတာမတွေ့ပါဘူး။
မန်ချီနီသီးဟာ ကိုက်လိုက်တာနဲ့ ချိုမြိန်တဲ့အရသာကနေ ချက်ချင်းနာကျင်သွားရတယ်လို့ဆိုပါတယ်။ အသီးကို ကိုက်လိုက်တဲ့အခါ ဖြစ်တဲ့ခံစားမှုဟာ ပူလောင်ပြင်းရှလွန်းပါတယ်။ အရမ်းပူစပ်လွန်းတဲ့ ငရုတ်သီးအပူနဲ့တောင်မတူပါဘူး။ ရင်ထဲမှာမချိမဆန့်ပူလောင်ပြီး လည်ချောင်းကို ပြင်းပြင်းထန်ထန်ရောင်ကိုင်းစေပါတယ်။ ခံတွင်းတစ်ခုလုံးမီးတောက်သလိုရောင်ရမ်းလာပြီး အရည်ကြည်ဖုကြီးတွေဖြစ်လာစေပါတယ်။ ပြီးနောက်မှာတော့ အစာခြေစနစ်ထဲ ကြောက်စရာကောင်းတဲ့ ပြဿနာတွေကိုဖြစ်လာစေတယ်လို့ သိရပါတယ်။
မန်ချီနီသစ်ပင်ဟာ သစ်သီးတင် လူကိုအန္တရာယ်ပေးတာမဟုတ်ပါဘူး။ အရွက်တွေကိုထိမိရုံ ၊ မိုးရွာလို့ သစ်ပင်အောက်ဝင်နားရုံနဲ့ လူ့အရေပြားပေါ် အရည်ကြည်ဖုတွေထစေပါတယ်။ သစ်ပင်ကထွက်တဲ့သစ်ရည် ဒါမှမဟုတ် သစ်ကိုင်းကိုမီးရှို့ရင်လည်း အဲ့ဒီကလာတဲ့အငွေ့တွေဟာ လူကိုယာယီမျက်လုံးကွယ်စေနိုင်ပါတယ်။ မန်ချီနီဟာ လူတွေအတွက်အန္တရာယ်ရှိပေမယ့် သတ္တဝါမျိုးစိတ်တစ်ခုအတွက်တော့ နေအိမ်တစ်ခုလိုလုံခြုံစိတ်ချရပါတယ်။ ကံကောင်းတဲ့ ၄င်းတွားသွားသတ္တဝါကတော့ ဖွတ်ဖြစ်ပါတယ်။
များသောအားဖြင့် အပူပိုင်းဒေသတွေဆီအလည်သွားတဲ့အခါ မန်ချီနီသစ်ပင်တွေကိုတွေ့နိုင်ပါတယ်။ သစ်ခေါက်ဟာ နီကျင်ကျင်မီးခိုးရောင်ဖြစ်ပြီး သစ်ရွက်တွေဟာ ၂လက်မကနေ ၄လက်မအထိအလျားရှိကာ ၁လက်မကနေ ၃လက်မအထိအနံရှိပါတယ်။ ဒါ့အပြင် မန်ချီနိုပင်ဟာ ဖက်ဖူးရောင်ပန်းပွင့်လေးတွေပွင့်ပါကြောင်း howstuffworks အွန်လိုင်းစာမျက်နှာမှတဆင့် ဗဟုသုတရဖွယ်ဖော်ပြပေးလိုက်ပါတယ်။
The manchineel tree seems hell-bent on its vendetta against humanity. https://t.co/gGt8OPm0KE
— IFLScience (@IFLScience) December 18, 2019
လင်းလင်း (ShweMom)
