မယုံနိုင်ဖွယ်ရာ အသက်(၁၄၅)နှစ်အထိ ရှင်သန်နေဆဲ နိုင်ဂျီးရီးယား အဖိုးအို

နိုင်ဂျီးယားအမျိုးသားတစ်ယောက်ဟာ အသက်(၁၄၅)နှစ်အရွယ် အဖိုးဖြစ်သူနဲ့အတူ ဓာတ်ပုံရိုက်ကာ Facebook ပေါ်တင်ခဲ့ပါတယ်။ ယင်းအမျိုးသားရဲ့ အမည်ကတော့ Ikenna Ofodile ဖြစ်ပါတယ်။

သူက အသက်ရှည်ခြင်းဟာ ဘုရားပေးတဲ့ လက်ဆောင်ဖြစ်ကြောင်းနဲ့ သက်ကြီးရွယ်အို အဖိုးအဖွားတွေကို အမှတ်ရကြဖို့ တိုက်တွန်းလိုက်ပြီး ဆိုရှယ်မီဒီယာပေါ်မှာ ဓာတ်ပုံတွေ တင်ခဲ့တာဖြစ်ပါတယ်။

ပုံတွေနဲ့ပတ်သက်လို့ လူတွေက အောက်ပါအတိုင်း ထင်မြင်ချက်တွေ အမျိုးမျိုးပေးခဲ့ကြပါတယ်။ အဖိုးကြီးဟာအသက်ရှည်လွန်းတဲ့အတွက် အံ့အားသင့်ခဲ့ရကြောင်း တချို့ကတော့ ကောင်းချီးပေးကြပါတယ်။ တချို့ကလည်း အသက်(၁၁၀)လောက်ထိဆိုရင်ပဲ တော်တော်နေပျော်ပြီ ဖြစ်တဲ့အကြောင်းနဲ့ ယခုလောက်အသက်ရှည်လွန်းတာဟာ မကောင်းတဲ့အကြောင်း ရေးသားထားကြပါတယ်။

(၁၄၅)နှစ်အရွယ်အဖိုးအိုဟာ လူသေနဲ့တူကြောင်း အပြောခံခဲ့ရတာတွေရှိသလို အဖိုးကြီးဟာ လူမဟုတ်ပဲတစ္ဆေအပူးကပ်ခံနေရတဲ့အကြောင်း၊ စုန်းကဝေကြီး ဖြစ်နိုင်ကြောင်းစတဲ့ ထင်ကြေးတွေလည်း ရှိနေပါသေးတယ်။ တစ်ချို့ကတော့ အမှတ်မှားတာ ဖြစ်နိုင်ပြီး စံချိန်တင် အသက်ရှည်ခဲ့ကြသူတွေတောင် အသက် (၁၂၀)ထက် မပိုကြောင်း ဝေဖန်ခဲ့ပါတယ်။

READ
ငယ်ချစ်ဟောင်းရဲ့မင်္ဂလာပွဲမှာ မျက်ရည်မဆည်နိုင်ဖြစ်ခဲ့တဲ့ အမျိုးသားတယောက်ရဲ့ပုံရိပ်

Mujeeb Bello ဆိုသူလူတစ်ယောက်ကတော့ မိဘတွေကို အသက်ကြီးလာတဲ့အခါမှာ လျစ်လျူမရှုသင့်ကြောင်း၊  ကျေးဇူးသိသင့်တဲ့ အကြောင်းတွေ ပြောပြခဲ့ပါတယ်။ မိဘတွေက သူတို့ခန္ဓာကိုယ်မှာ အညစ်အကြေးတွေပေတဲ့အခါ ၊ အိမ်ခန်းတွေမှာလည်း အညစ်အကြေးတွေစွန့်ပြီး ပေကျံနေတဲ့အခါ စိတ်ပျက်ငြီးငြူမှု မဖြစ်ကြဖို့တိုက်တွန်းခဲ့ပါသေးတယ်။

သူ့အနေနဲ့ စနေနေ့တိုင်း မိဘတွေဆီသွားလည်လေ့ရှိကာ အနည်းဆုံးတော့ သူတို့စိတ်ပျော်ရွှင်ပြီး အမှတ်တရဖြစ်အောင် သီချင်းဟောင်းတွေကို ဆိုပြလေ့ရှိကြောင်းလည်း အွန်လိုင်းမှာ ဖောက်သည်ချခဲ့ပါတယ်။

လက်ရှိ လူတစ်ယောက်ရဲ့ အသက်မှာ အကြီးဆုံးအမျိုးသားအဖြစ်နဲ့ တရားဝင်မှတ်တမ်းတင်ထားတာကတော့ ဂျပန်အဖိုးအို Jiroemon Kimura ဖြစ်ပြီး သေဆုံးချိန်မှာ (၁၁၆)နှစ်နဲ့ (၅၄)ရက် ဖြစ်ပါတယ်။ ဒုတိယနေရာမှာ ရပ်တည်ခဲ့သူကတော့ အမေရိကန် အဖိုးအို Christian Mortensen ဖြစ်ပြီး (၁၁၅)နှစ်နဲ့ (၂၅၂)ရက်အထိ အသက်ရှည်ခဲ့ပါတယ်။

အမျိုးသမီးတွေအနေနဲ့ အသက်အကြီးဆုံးအဖွားအဖြစ် မှတ်တမ်းတင်နိုင်ခဲ့သူကတော့ ဂျပန်အဖွားအို Nabi Tajima ဖြစ်ပြီး၊ အသက် (၁၁၇)နှစ် (၁၇၉)ရက် ဖြစ်ကာ၊ ဒုတိယရပ်တည်နေသူမှာလည်း ဂျပန်အဖွားအို ဖြစ်ပြီး Chiyo Miyako လို့ အမည်ရပါတယ်။ သူမရဲ့ အသက်ကတော့ (၁၁၆)နှစ်နဲ့ (၂၇၃)ရက် ဖြစ်ပါတယ်။ အခုအဖိုးအိုကြီးရဲ့ အသက် (၁၄၅)နှစ်ဆိုတဲ့ အသက်ကိုတော့ ဖြစ်နိုင်မဖြစ်နိုင် အငြင်းပွားနေကြဆဲပါ။

READ
2 နှစ် သမီးလေး ကားမောင်းနေတဲ့ဗွီဒီယိုဖိုင်အပေါ် မိဘများ ပြင်းထန်စွာ ဝေဖန်ခံနေရ

လင်းလင်း(ShweMom)

SHARE