မသန်စွမ်းအမျိုးသားကို ဆယ်ကျော်သက်က ထူးခြားစွာ ကူညီပေးခဲ့တဲ့ ကြည်နူးဖွယ်ဖြစ်ရပ်လေး

လေယာဉ်တစ်စင်းပေါ်မှာ အဆင်မပြေဖြစ်နေခဲ့တဲ့ မသန်စွမ်း ခရီးသည်တစ်ဦးကို ကူညီခဲ့သူ အမေရိကန်က ဆယ်ကျော်သက်မလေး တစ်ယောက်ဟာ ‘နတ်သမီးလေး’ လို့တောင် တင်စားခံနေရပါတယ်။ ဖြစ်ရပ်ကတော့ ဒီလိုပါ။

ပြီးခဲ့တဲ့ တစ်ပတ်က Tim Cook လို့အမည်ရတဲ့ မသန်စွမ်းအမျိုးသားတစ်ဦးဟာ ဘော်စတွန်ကနေ ပို့တ်လန်းကို ပျံသန်းတဲ့ အလက်စကာ လေကြောင်းလိုင်းမှာ လိုက်ပါ စီးနင်းခဲ့ပါတယ်။ သူ့အခြေအနေကြောင့် လေယာဉ်ဝန်ထမ်းတွေ အကုန်လုံးက အစွမ်းကုန် ဂရုစိုက်ဖို့ လုပ်ခဲ့ကြပါတယ်။ ဒါပေမယ့် အဆင်မပြေခဲ့ပါဘူး။ Tim ဟာ မျက်မမြင် နားမကြား အခြေအနေဖြစ်နေခဲ့လို့ပါ။ ဝန်ထမ်းတွေလည်း မတတ်နိုင်တော့တဲ့အဆုံး လက်သင်္ကေတပြ ဘာသာစကား တတ်တဲ့ တစ်စုံတစ်ဦးကို ရှာခဲ့ရပါတယ်။

Alaska Airlines

ထိုအချိန်မှာတော့ Clara Daly ဆိုတဲ့ ဆယ်ကျော်သက်မလေးက ကယ်တင်ရှင်အဖြစ် ရောက်လာခဲ့ပါတယ်။ သူမကလည်း တကယ်တော့ ပုံမှန်လူတစ်ဦး မဟုတ်ပါဘူး။ ဦးနှောက်ချို့ယွင်းချက်ရှိလို့ ကျောင်းနေလို့မရတဲ့ ကောင်မလေးတစ်ဦးပါ။ ဒါကြောင့်လည်း သူမက သင်္ကေတပြ ဘာသာစကား တတ်နေခဲ့တာပါ။ ဘယ်သူမှ မကူညီနိုင်ခဲ့တဲ့ Tim ကို Clara ဟာ လေယာဉ်ပေါ်မှာ သူတို့နှစ်ဦးပဲ နားလည်နိုင်တဲ့ ဘာသာစကားနဲ့ စတင် ဖေးမခဲ့ပါတယ်။ (၁၅)နှစ်အရွယ် Clara ဟာ Tim ကို လေယာဉ်ပျံသန်းစဉ် (၆)နာရီနီးပါးလုံး အဖော်ပြုပေးခဲ့ပြီး လိုအပ်တာတွေကို ဝန်ထမ်းတွေဆီ တစ်ဆင့်ပြန်ပြောပေးခဲ့ပါတယ်။

READ
ကြီးပွားတိုးတက်ချင်တဲ့ စိတ်သာ အဓိကဖြစ်ကြောင် သက်သေပြခဲ့တဲ့ လမ်းဘေးဈေသည်
Alaska Airlines

ဆယ်ကျော်သက်လေးရဲ့ အပြုအမူဟာ လေယာဉ်တစ်စင်းလုံးရှိ ခရီးသည်နဲ့ ဝန်ထမ်းတွေရဲ့ ချီးကျူးမှုတွေ ခံခဲ့ရပါတယ်။ အကောင်းဆုံး ချီးကျူးခံရမှုကတော့ Tim Cook ကိုယ်တိုင်ဆီကပဲ ဖြစ်ပါတယ်။ မစ္စတာ Cook က ပို့တ်လန်းအခြေစိုက် ရုပ်သံလိုင်း KGW8 နဲ့ အင်တာဗျူးမှာ Clara ရဲ့ ကူညီခဲ့မှုနဲ့ ပတ်သက်ပြီး “သူမက နတ်သမီးလေးပါ” လို့ ပြောခဲ့တာပါ။ လေယာဉ်ပေါ်မှာ သူတို့နှစ်ယောက်ဘေးက ခရီးသည်တစ်ဦးဖြစ်တဲ့ Lynette Scribner အမည်ရ အမျိုးသမီးကတော့ ဒီအဖြစ်အပျက်ကို ပုံတွေနဲ့တကွ Facebook မှာ တင်ခဲ့တာဖြစ်ပြီး သူမရဲ့ ပို့စ်ဟာ Like ၁ သန်းခန့် ရရှိနေပြီဖြစ်ပါတယ်။

Alaska Airlines

Lynette ရဲ့ ပို့စ်မှာ ရေးထားတာကတော့ “Tim ကို လေယာဉ်ဝန်ထမ်းတွေက ဘယ်လိုမှ စကားပြောလို့ မရခဲ့ပါဘူး။ အဲ့အခါမှာတော့ (၁၅)နှစ်သမီးလေး တစ်ယောက်ရောက်လာပြီး Tim ရဲ့ လက်မှာ သင်္ကေတစရေးပြီး စကားပြောပေးခဲ့ပါတယ်။ ခရီးတစ်လျှောက်လုံး Tim လိုအပ်တာတွေကို ပြောပြပေးခဲ့ပြီး သူငယ်ချင်းတွေလို စကားတွေလည်း ပြောနေပေးခဲ့ပါတယ်” လို့ ရေးသားထားခဲ့ပါတယ်။ အကူအညီလိုအပ်နေခဲ့တဲ့ Tim ဆီ တကယ်ကိုပဲ နတ်သမီးလေး ရောက်လာခဲ့တဲ့ အဖြစ်လေးပါပဲ..။

READ
မထင်မှတ်ထားဆုံး သတ္တဝါ (၃)ကောင်ရဲ့ ခွဲမရအောင် ချစ်ကြတဲ့ ဇာတ်လမ်းလေး

Facebook

Ref: Dailymail

SHARE