ကျန်းမာရေးအတွက် ကိုဗစ်စည်းကမ်းနဲ့အညီ ဓားပြတိုက်ခဲ့တဲ့ အိန္ဒိယက ဓားပြ(၃)ယောက်

[email protected]_pandey

ကျွန်တော်တို့ ကိုယ်တိုင် ဓားပြအတိုက် မခံဖူးရင်တောင် ကျွန်တော်တို့ ပတ်ဝန်းကျင်မှာ ဓားပြအတိုက်ခံရတဲ့ အမှုတော်တော်များများကို ကြားဖူးကြမှာပါပဲ။ အချို့ဓားပြတွေဟာ ဝုန်ဒိုင်းကြဲပြီး ဓားပြတိုက်တတ်သလို တစ်ချို့ကျပြန်တော့လည်း သွေးအေးအေးနဲ့ပဲ ဓားပြတိုက်သွားလေ့ ရှိပါတယ်။ အခုပြောပြချင်တဲ့ ဓားပြအမှုကတော့ နည်းနည်းလေး ထူးဆန်းပါတယ်။ ဓားပြ ၃ ယောက်ဟာ ရတနာဆိုင်ထဲကို ရုပ်တည်ကြီးနဲ့ ဝင်လာပြီး ဈေးဝယ်တော့မလိုနဲ့ ဓားပြတိုက်သွားတာပဲဖြစ်ကြောင်း Storypick သတင်းဌာနရဲ့ ဖော်ပြချက်အရ သိရှိရပါတယ်။

[email protected]_pandey

အဆိုပါ ဓားပြအမှုဟာ အိန္ဒိယနိုင်ငံ၊ Uttar Pradesh ပြည်နယ်ရှိ Aligarh မြို့က ရတနာဆိုင်တစ်ဆိုင်မှာ ဖြစ်ပွားခဲ့တာပဲ ဖြစ်ပါတယ်။ အဆိုပါ ရတနာဆိုင် နာမည်ကတော့ Sunder Jewellers လို့ အမည်ရပြီး အခင်းဖြစ်ပွားချိန်ကတော့ စင်တင်ဘာလ ၁၁ ရက်နေ့၊ နေ့လည် ၂ နာရီ ခန့်မှာပဲ ဖြစ်ပါတယ်။ Mask တပ်ထားတဲ့ လူငယ် ၃ ဦးဟာ ဆိုင်ထဲကို ရုတ်တရက်ဝင်လာခဲ့ပြီး ဆိုင်ကပေးတဲ့ လက်ဆေးရည်နဲ့ လက်ကိုတောင် သေသေချာချာ ပွတ်တိုက်ပြီး ဆေးကြောခဲ့ပါသေးတယ်။ အဲဒီနောက်မှာတော့ အရှေ့ဆုံးက လူငယ်ဟာ ခါးကြားထဲထိုးလာတဲ့ သေနတ်ကို ဆွဲထုတ်ခဲ့ပြီး ဓားပြတိုက်ခဲ့ပါတယ်။

READ
လန်ဘော်ဂီနီကားကို ပေါင်(၆)သိန်းကျော်နဲ့ ပြန်ရောင်းချနိုင်ခဲ့တဲ့ ပုပ်ရဟန်းမင်းကြီး

 

အဲဒီနောက်မှာတော့ ဆိုင်ထဲက မှန်ဘောင်ထဲမှာထားရှိထားတဲ့ ရတနာပစ္စည်းတစ်ချို့၊ မှန်ပေါ်မှာထားထားတဲ့ ငွေသားတွေနဲ့ မီးခံသေတ္တာထဲက ရတနာပစ္စည်းတွေကို အကုန်လုယက်ယူငင်သွားကြောင်း သိရပါတယ်။ အဆိုပါ ဓားပြတွေလက်ထဲကို ရူပီး ၅၀,၀၀၀ အပါအဝင် ရူပီး ၃၆ သိန်းကျော်ဖိုး ရတနာပစ္စည်းတွေ ပါသွားခဲ့ပါတယ်။ လက်ရှိအချိန်မှာတော့ ဆိုင်ရဲ့ CCTV ကရရှိထားတဲ့ ပုံတွေနဲ့ ရဲတပ်ဖွဲ့ကတော့ အဆိုပါ ဓားပြတွေကို အပူတပြင်း လိုက်လံစုံစမ်းနေကြောင်း သိရပါတယ်။

READ
နိုင်ငံအကြပ်အတည်းဖြစ်နေချိန်မှာ သမ္မတက ဈေးကြီးတဲ့ဆိုင်မှာ စားလို့ ၀ိုင်းဝန်းရှုံ့ချနေကြ
[email protected]_pandey

Pyi Hein Kyaw

SHARE