တိရစ္ဆာန်မျိုးစုံခြံရံပြီး လမ်းလျှောက်ထွက်လာတဲ့ အမျိုးသမီးရဲ့ဗွီဒီယိုဖိုင် ရေပန်းစားနေ

Twitter_Dilere

ကျွန်တော်တို့ လူနေမှုပတ်ဝန်းကျင်မှာ အပြောများနေတဲ့ စကာလေးရှိပါတယ်။ “မေတ္တာဆိုတာ အလျှားအနံ မရှိပေမယ့် အသွားအပြန်တော့ ရှိပါတယ်”ဆိုတာ။ မေတ္တာရဲ့သဘောဟာ အလွန်အံ့သြဖို့ ကောင်းပါတယ်။ ကိုယ့်ကို ဘယ်လောက်ပဲ မုန်းတီးနေပါစေ ကိုယ်ကသာ မေတ္တာစိတ်အပြည့်နဲ့ ဆက်ဆံရင် ရန်သူတွေကလည်း မိတ်ဆွေတွေ ဖြစ်လာတော့တာပါပဲ။ စိတ်ကောင်းနှလုံးကောင်း ထားရှိခြင်းဟာ လူတွေကိုယ်ပါ စည်းရုံးနိုင်တာမျိုးမဟုတ်ဘဲ၊ တိရစ္ဆာန်တွေကိုလည်း စည်းရုံးနိုင်ပါတယ်။

Twitter_Dilere

အခုလည်း တူရကီက အမျိုးသမီးကြီးတစ်ယောက်ဟာ လမ်းလျှောက်ထွက်တဲ့အခါတိုင်း၊ ခွေး၊ ကြောင်၊ ငှက် စတဲ့သတ္တဝါတွေက ဘေးကနေ ခြံရံပြီး တကောက်ကောက်လိုက်လာနေတာကို လူတစ်ယောက်က ဗွီဒီယိုမှတ်တမ်း တင်ထားခဲ့တာပါ။ ဒီဗွီဒီယိုဟာ တွစ်တာလူမှုကွန်ရက်မှာ အထူးလူကြည့်များနေပါတယ်။ အခုဆိုရင် ဝင်ရောက်ကြည့်ရှုသူ (၁.၃)သန်းအထိ ရှိနေပါပြီ။

ဗွီဒီယိုကို မှတ်တမ်းတင်ခဲ့သူကတော့ Dilara Ilter ဖြစ်ပါတယ်။ သူမဟာ မိခင်ဖြစ်သူရဲ့နေအိမ်ကို အလည်အပတ်ရောက်နေချိန်မှာ ဒီထူးဆန်းတဲ့အဖြစ်အပျက်ကို မြင်ခဲ့ရာက၊ ဗွီဒီယိုမှတ်တမ်း ရယူခဲ့တာပါ။ လမ်းလျှောက်သွားသူ အမျိုးသမီးကတော့ အသက်(၅၀)ကျော် သို့မဟုတ် အဲဒီဝန်းကျင်လောက် ခန့်မှန်းရပါတယ်။

Twitter_Dilere

သူမရဲ့ဘေးမှာရော နောက်ကနေပါ ငှက်တွေ၊ ကြောင်ကလေးတွေ၊ ခွေးလေးတွေဟာ တကောက်ကောက် လိုက်နေတာကို တွေ့ရပါတယ်။ Dilara အနေနဲ့ အိမ်မွေးတိရစ္ဆာန်တွေနဲ့ လမ်းအတူလျှောက်တဲ့ လူတွေကို မြင်ဖူးနေကျမို့ အထူးတဆန်းမဟုတ်သော်လည်း ဒီအဖြစ်အပျက်က အလွန်ထူးဆန်းနေခဲ့တာပါ။

 

ဒါဟာ ယခင်က ကလေးတွေကြားမှာ ရေပန်းစားခဲ့တဲ့ Pied Piper of Hamelin ပုံပြင်ကို အမျိုးသမီးဇာတ်ကောင်ဗားရှင်းနဲ့ ပြန်ရိုက်ထားတာနဲ့တောင် တူနေတယ်လို့ Dilara က အရွှန်းဖောက် ပြောခဲ့ပါတယ်။ Dilara ရဲ့မိခင်က လမ်းလျှောက်သူအမျိုးသမီးအကြောင်း တစ်လမ်းတည်းနေသူမို့ ကောင်းကောင်းသိနေပါတယ်။

Dilara ရဲ့မိခင်က အဲဒီတိရစ္ဆာန်လေးတွေဟာ အိမ်ရာမဲ့လေးတွေဖြစ်ကြောင်း၊ သူမဟာ အဲဒီတိရစ္ဆာန်လေးတွေကို အမြဲတမ်း အစာကျွေးတဲ့အတွက် အကုန်လုံးက မှတ်မိနေပြီး၊ သူမ သွားလေရာကို တကောက်ကောက် လိုက်နေတာဖြစ်ကြောင်း အကြောင်းစုံ ရှင်းပြပါတယ်။ ဒါဟာ စောစောကပြောတဲ့ မေတ္တာတရားရဲ့ သတ္တိလည်း ဖြစ်ပါတယ်။ ဒါပေမယ့် တိရစ္ဆာန်လေးတွေကို အစာကျွေးတိုင်းလည်း ဒီလို ဘေးကနေ ဝန်းရံလိုက်တာမျိုးတော့ ရှိချင်မှ ရှိနိုင်မှာပါ။

လင်းဇော်ကို

SHARE